كانادادا قازاقستاننان بارعان 10 مىڭداي ادام ءومىر سۇرەدى

استانا. قازاقپارات - كانادادا قازاقستاننان شىققان 10 مىڭداي ادام ءومىر سۇرەدى.

بۇل تۋرالى بۇگىن استاناداعى باسپا ءسوز ءماسليحاتىندا قازاقستاننىڭ كانادا مەملەكەتىندەگى توتەنشە جانە وكىلەتتى ەلشىسى كونستانتين جيگالوۆ ءمالىم ەتتى.

ونىڭ سوزىنە قاراعاندا، كانادادا بۇگىندە ءبىلىم ساپاسى جوعارى بولعاندىقتان، ەلىمىزدىڭ ستۋدەنتتەرى ءۇشىن ايتارلىقتاي تارتىمدى ەل رەتىندە تانىلىپ وتىر. «بولاشاق» باعدارلاماسى اياسىندا بۇل ەلدە 150 ستۋدەنت ءبىلىم الىپ جاتقان كورىنەدى.

«كاناداداعى ءبىزدىڭ بالالاردىڭ جاعدايىن ۇنەمى باقىلاپ وتىرامىز. بىزدە قاي ەلدى مەكەندە قانشا بالا تۇرىپ جاتقاندىعى تۋرالى ناقتى كەستە بار جانە ونداعى وتباسىلاردىڭ اتى-ءجونىن ەگجەي-تەگجەيلى بىلەمىز. ولار ءۇشىن ءتۇرلى شارالاردى ۇنەمى ۇيىمداستىرىپ كەلەمىز»، - دەپ توقتالدى ەلشى.

اۆتور: رۋسلان عابباسوۆ