جىل سوڭىنا دەيىن باسپانا 10 پايىزعا قىمباتتاۋى مۇمكىن - پىكىر
بۇل تۋرالى Tengrinews.kz تىلشىسىنە Astana Best Consulting Group ەكونوميسى ارمان بايعانوۆ حابارلادى.
ونىڭ ايتۋىنشا، ا ق ش- داعى ستاتيستيكالىق مالىمەتتەر (باعانىڭ قۇنسىزدانۋى، جۇمىسپەن قامتىلۋ) بولجاعاننان تومەن بولىپ شىقتى. بەرىلگەن مالىمەتتەرگە سەنسەك، فەدەرال رەزەرۆ جۇيەسى 2016 -جىلى بازالىق مولشەرلەمەنى قىمباتتاتپاۋى دا مۇمكىن.
«قازىر جۇمىس ىستەپ تۇرعان بازالىق تولەم دوللاردىڭ السىرەۋىنە، شيكىزات رەسۋرستارى باعاسىنىڭ وسۋىنە جانە دامىپ جاتقان نارىقتا ينۆەستيتسيالىق بەلسەندىلىكتى ساقتاۋعا اسەر ەتۋى مۇمكىن. وسىنى ەسكەرە وتىرىپ، ەكىنشى جارتىجىلدىقتا مۇنايدىڭ باعاسى Brent ماركالى مۇناي باررەلى باعاسىنان 54 دوللاردان اسادى. بۇل ءوز كەزەگىندە ۇلتتىق ۆاليۋتانىڭ نىعايۋىنا، جەر قويناۋىن پايدالانۋشىلاردان ەل ەكونوميكاسىنا قوسىمشا قاراجاتتىڭ تۇسۋىنە، تۇرعىنداردىڭ تولەم تولەي الۋىنا جانە ەلىمىزدەگى ماكروەكونوميكالىق جاعدايدىڭ دۇرىستالۋىنا ىقپال ەتەدى»، - دەپ بولجادى ساراپشى.
