داريعا نازاربايەۆا ەلورداداعى 10 - قالالىق ەمحانانىڭ جۇمىسىمەن تانىستى
كەزدەسۋ الدىندا ۇكىمەت باسشىسىنىڭ ورىنباسارى ەمحانانى ارالاپ، دارىگەرلەردىڭ مەديتسينالىق جاڭا قۇرال- جابدىقتارمەن جۇمىس بارىسىمەن تانىستى.
د. نازاربايەۆا بۇنداي كەزدەسۋلەر وتە ماڭىزدى ەكەنىن ايتا كەلە، ياعني مەديتسينا سالاسىنداعى كاسىبي قوعامداستىقتىڭ ماسەلەلەرى، سالادا تولعاندىرىپ وتىرعان باعىتتار كەڭىنەن تالقىلاناتىنىن جەتكىزدى.
«جاڭا وسى ەمحانانىڭ جۇمىسىمەن تانىسىپ ءوتتىم. قازىرگى زامانعى بۇل مەديتسينالىق ورتالىق جانە سوڭعى بۋىندى قۇرالدارمەن جابدىقتالعان. جالپى، وسىندا اقپاراتتاندىرۋ تولىقتاي جۇرگىزىلگەن. ونلاين رەجىمدە دارىگەرگە جازىلىپ، ۇيدەن شىقپاستان كونسۋلتاتسيا الۋعا بولادى. مەنىڭ ويىمشا، جاقىن ارادا وسىنداي مۇمكىندىكتەر ەلىمىزدەگى بارشا مەديتسينالىق مەكەمەلەردە بولۋى ءتيىس»، - دەدى ول.
ايتا كەتەيىك، بۇل مەديتسينالىق مەكەمە «100 مەكتەپ - 100 اۋرۋحانا» مەملەكەتتىك باعدارلاماسىنىڭ اياسىندا سالىنىپ، 2014 -جىلدىڭ اقپان ايىنان جۇمىسىن باستادى. ەمحانا ءبىر اۋىسىمدا ورتاشا ەسەپپەن العاندا 500 ادام قابىلدايدى، ونىڭ 350- ءى ەرەسەك تۇرعىندار بولسا، 150- ءى - بالالار. مەديتسينالىق مەكەمەدە جاڭاشا قۇرالدارمەن جابدىقتالعان وتا جاساۋ كابينەتى بار.
اۆتور: رۋسلان عابباسوۆ
