الەمگە ايگىلى 10 ايەل - فوتو

استانا. قازاقپارات - ايەل - نازىك جاندى جاراتىلىس يەسى. كوركەم، ادەمى جانە قايسار تۇلعا. حالقىمىز «قىزدىڭ قىرىق جانى بار» دەپ ايەلدىڭ توزىمدىلىگىن تىلگە تيەك ەتكەن.

ءتىپتى يىعىنا ەكى ادام مىنگەسكەن حاس باتىرلار دا ايەلدىڭ توزىمىنە شىداس بەرمەيتىن كورىنەدى دەپ حابارلايدى anabol.kz.

سوندىقتان بولار، ەسىمى ەلگە بەلگىلى، الەمدى وزگەرتە بىلگەن ايەلدەرىمىز تاريحتىڭ تورىنەن ورىن العان. ايگىلى ايەلدەردىڭ جاساعان ەرلىكتەرىمەن تانىسا وتىرىڭىزدار.

كلەوپاترا

 

ەگيپەت ەلىنىڭ ايەل پاتشاسى. ماكەدونيا ديناستياسىنىڭ سوڭعى باسشىسى، الەكساندر ماكەدونسكيي پتولومەيدىڭ باستى اسكەرباسى. ەگيپەتتەگى الەكساندر يمپەرياسى قۇلاعاننان كەيىن جاۋلاپ الۋشى. تەرەڭ ءبىلىم يەسى، داناگوي، جىگەرلى جانە وزىنە سەنىمدى كلەوپاترا حالىقتى وزىنە ەلىكتىرىپ الاتىن قاسيەتكە يە بولعان. ەر جىگىتتىڭ قولىندا بولعان بيلىكتى، پاتشايىم ءساتتى پايدالانا بىلگەن. VII كلەوپاترا ءوزىنىڭ اعالارىمەن 21 جىل باسقارعان.

كوكو شانەل

 

كوكو. پاريج. 1936 -جىل.

 كوكو شانەل  ⅩⅩ عاسىردىڭ بىردەن- ءبىر ۇزدىك مودەلى. ⅩⅩ عاسىرداعى الەمدىك ءسان ۇلگىنىڭ بەتكەۇستار تۇلعاسى. ول ايەلدىك پەن ماڭگىلىك كلاسسيكانىڭ، كەربەزدىكتىڭ نىشانى. كوكو شانەل نازىك جاندىلار قاۋىمىنا جوعارعى ستيلدەگى كيىمدەر عانا ەمەس، پارفيۋم، قىسقا شاش ۇلگىسىن، تۇرمىستىق كيىمدەردى، شالباردى، كىشكەنتاي عانا قارا كويلەكتى جانە "Chanel №5″ ءيىسسۋىن تارتۋ ەتتى.

ءسوز زەرگەرى بولا بىلگەن كوكو شانەل «ايەل 30 جاسىندا سۇلۋ كورىنبەسە، ول ناعىز اقىماق» دەگەن ەكەن. ۇيلەنگەلى جۇرگەن سەرىسى اياق استىنان قازا بولعان سوڭ، ماحابباتىنا ادال بولعان شانەل ءومىر بويى تۇرمىس قۇرماي ءوتتى.

مارگارەت تەتچەر

 

مارگارەت تەتچەر تاريحتا «تەمىر حانىم» دەگەن اتپەن تانىمال. مارگارەت حيلدا تەتچەردىڭ ۇلىبريتانيادا ءوز ورنى بار. تەتچەردىڭ قىز كەزىندەگى اتى-ءجونى - مارگارەت روبەرتس. 1925 -جىلعى 13 -قازاندا دۇكەنشى وتباسىندا دۇنيەگە كەلدى. 19 جاسىندا وكسفورد ۋنيۆەرسيتەتىنە تۇسۋگە كەلەدى.

وتباسى ءۇمىتىن اقتاعان ارۋ «ورگانيكالىق حيميا» ماماندىعىن العان سوڭ، ءبىراز ۋاقىت حيميا كاسىپورىندارىندا قىزمەت ىستەيدى. كەيىننەن مارگارەت ادۆوكات اتاعىن الۋ ءۇشىن ەمتيحاندى ۇزدىك تاپسىرىپ، ودان ءارى ادۆوكاتتىقپەن شۇعىلدانادى. ول بەلسەندىلىگى، كۇش- جىگەرى مەن ىسكەرلىگىنىڭ ارقاسىندا 1959 -جىلى پارلامەنتكە سايلانادى.

1970 -جىلى مارگارەت تەتچەر ەدۆارد حيت ۇكىمەتىندە وقۋ جانە عىلىم ءمينيسترى بولدى. ول كونسەرۆاتورلار پارتياسىنىڭ بەلسەندى مۇشەسىنە اينالىپ، 1975 -جىلى ەدۆارد حيتتىڭ كونسەرۆاتورلار پارتياسىندا جەتەكشىلىك ورىندى يەلەندى. 1979 -جىلى پارتيا جالپى سايلاۋدا جەڭىسكە جەتتى. بريتان تاريحىندا تۇڭعىش رەت ايەل پرەمەر- مينيسترى بولدى.

تەرەزا انا

 

مەيىرىمدى جۇرەكتىڭ يەسى اگنەس گوندجا بويادجيۋ (تەرەزا انا) اسكوك ساتۋمەن اينالىساتىن وتە قاراپايىم وتباسىندا دۇنيەگە كەلگەن. وتىز التى جاسقا كەلگەندە جاعدايى ناشار ايەل ءوزىنىڭ مەيىرىمگە تولى جۇرەگى مەن ەرەكشە ىنتاسىنىڭ ارقاسىندا حالىقارالىق قايىرىمدىلىق ۇيىمىن قۇرادى.

قازىر بۇل قوردىڭ قۇرامىندا الەمنىڭ سەكسەن ەلىنەن تىركەلگەن 300 مىڭ ادام بار. ۇيىم بالالار مەن جەتىمدەر ءۇيىن، اۋرۋحانالاردى، قارتتار ءۇيىن قامتيدى. قازىر كالكۋتتاداعى ءبىر عانا ورتالىقتىڭ وزىندە 10000 عا جۋىق ادام ەمدەلىپ جاتىر.

توميريس

 

ساق پاتشايىمى تۇمار (توميريس) حانشا (ب. د. د. 570-520 ج ج. ) - الەمدەگى ەڭ اتاقتى ايەل پاتشالاردىڭ ءبىرى. ونىڭ اتاقتى بولىپ، ەسىمىنىڭ تاريحتا ەنۋىنە پارسىنىڭ ايگىلى پاتشاسى كىرەۋكە (كير) (ب. د. د. 558 - 530 ج ج. ) سەبەپ بولاتىن.

«جەڭىلۋدى بىلمەيتىن» ، ورتا ازياعا باسقىنشىلىق جورىقپەن كەلگەن كىرەۋكەنىڭ اسكەرىن تۇمار حانشانىڭ تاس- تالقانىن شىعارعانىن بۇگىنگى جۇرت اڭىز قىلىپ ايتىپ جۇرەدى.

ينديرا گاندي

 

شىعىس ايەلدەرى اراسىنان شىققان تۇڭعىش ۇكىمەت باسشىسى 1917 -جىلى تاۋەلسىز ءۇندىستاننىڭ العاش پرەمەر- ءمينيسترى دجاۆاحارلال نەرۋدىڭ وتباسىندا دۇنيەگە كەلگەن. 1966-1977 جانە 1980-1984 -جىلدارى ءۇندىستان پرەمەر-ءمينيسترى قىزمەتىن اتقارعان. بيلىككە كەلگەن جىلدارى باقتالاستارى ونى «اقىماق قۋىرشاق» دەپ مازاق ەتكەن بولاتىن.

الايدا ول ءوز ەلىنىڭ تاريحىنا ءۇندىستان ۇكىمەتىن بىرنەشە جىل بويى ساليقالى تۇردە باسقارعان ىسكەر، كورەگەندى ايەل رەتىندە ەندى. اقىلدى ساياساتكەر مەملەكەتتىڭ حالىقارالىق دارەجەسىنىڭ جوعارى دەڭگەيگە كوتەرىلىپ، نىعايۋى ءۇشىن كوپ قىزمەت اتقاردى. بۇگىندە ينديرا حانىمدى وتانى عانا ەمەس، كۇللى الەم قۇرمەتتەيدى. ول ومىرگە رادجيۆا جانە ساندجايا ەسىمدى ۇلداردى اكەلدى.

ايشا حانىم

 

ايشا - ءابۋ باكىردىڭ قىزى، مۇحاممەد پايعامباردىڭ سۇيىكتى جۇبايى، جانقيار كومەكشىسى ءارى ونىڭ حاديستەرىن جەتكىزۋشىلەردىڭ ءبىرى. يسلام تاريحىندا اللاھ راسۋلىنىڭ (س. ا. س. ) پاك، سۇيىكتى ايەلى، «مۇميندەردىڭ اناسى» ءارى ءابۋ باكىر ءاس- سىددىقتىڭ قىزى ايشانىڭ ماڭىزدى ورنى بار. اسا اقىلدى، مىنەز- قۇلقى كوركەم، پاكتىگىن تاقۋالىقپەن ۇشتاستىرا بىلگەن مۇميندەردىڭ اناسى - ايشا فيقھ، حاديس، قۇران ءتاپسيرى ىلىمدەرىن دە جەتىك مەڭگەرۋمەن ەرەكشەلەندى.

جاننا د'ارك

 

جاننا د'ارك فرانسۋزداردىڭ ۇلتتىق باتىرى، ءجۇزجىلدىق سوعىس (1337 - 1453) كەزىندە فرانسۋز حالقىنىڭ اعىلشىندارعا قارسى ازاتتىق كۇرەسىن باسقارعان قولباسشى. شارۋا وتباسىندا دۇنيەگە كەلگەن. ون ءۇش جاسىنان باستاپ اتاعى شىققان باتىر قىز ورلەان جەرىندەگى سوعىستاردا كوزسىز ەرلىك كورسەتىپ، فرانتسيا كورولىمەن بەتپە-بەت كەزدەسكەن.

جاننا د'ارك باسقارعان جاساق ۇلكەن جەڭىستەرگە جەتىپ، 1429 -جىلى 8 -مامىردا اعىلشىنداردىڭ قولىندا بولىپ كەلگەن ورلەان قالاسىن ازات ەتتى. وسى ەڭبەگى ءۇشىن حالىق ونى «ورلەان قىزى» دەپ اتاپ كەتتى.

II ەليزاۆەتا

 

II ەليزاۆەتا - الەم تاريحىنىڭ ءتىرى اڭىزى. الەم حالقى ونى ءالى كۇنگە دەيىن بريتاندىق يمپەريانىڭ نىشانى رەتىندە قابىلدايدى. قانشاما بيلەۋشىلەر اۋىستى، نەبىر قاندى قىرعىن سوعىستار ءوتتى، مىڭداعان ەلدەر بۇرشاقتاي بىتىراپ، جاڭا مەملەكەت قۇرىلدى. ءبىراق، بريتان حانشايىمى مەن مونارحيا عانا وزگەرمەدى. تاقتاعى 60 جىل - از مەرزىم ەمەس. تاريحتا مۇنشاما ۋاقىت بيلىكتە وتىرعان تايلاند كورولى عانا ەكەن.

ديانا سپەنسەر

 

ديانا سپەنسەر كەزىندە ۇلى بريتانيانىڭ حانشايىمى بولعان (چارلز حانزادانىڭ جۇبايى). الايدا اقسۇيەكتەردىڭ ومىرىنە ۇيرەنىسە الماعان جانە كۇيەۋىمەن جاراسپاعان ديانا ەكى بالاسىنىڭ بار بولعاندىعىنا قاراماستان، چارلزبەن اجىراسىپ كەتەدى.

ول ءوزىنىڭ بارلىق عۇمىرى مەن بايلىعىن قايىرىمدىلىققا ارنايدى: سيرەك كەزدەسەتىن جانۋارلاردىڭ قۇقىعىن قورعادى، ءارى قاۋىپتى قارۋلاردى جويۋ شارالارىن جۇرگىزىپ، مىڭداعان جەتىمدەر مەن اۋرۋلارعا كومەكتەسىپ، كوپكە ۇلگى بولا ءبىلدى. الەمگە حانشايىم ديانا دەگەن اتپەن بەلگىلى.

 

دەرەككوز: NUR. KZ