04:34, 07 - قازان 2015 | GMT +5
پەتروپاۆلدا كومەككە ءزارۋ زەينەتكەرلەرگە 10 توننا ۇن تاراتادى
پەتروپاۆل. قازاقپارات - پەتروپاۆلدا الەۋمەتتىك ارىپتەستىك اياسىندا قالانى دامىتۋ قورى ارقىلى 10 توننا ۇن ءبولىندى.
25 كەلىلىك ۇن قاپشىعىنا كومەككە مۇقتاج 400 زەينەتكەر يە بولماق.
«1 -قازاندا پەتروپاۆل قالاسى بويىنشا قاريالار مەن مۇگەدەكتەردى قولداۋ بويىنشا ايلىق باستالدى. جالعىز تۇراتىن زەينەتكەرلەر مەن مۇگەدەكتەر ازىق-تۇلىككە يە بولادى. الەۋمەتتىك سەرىكتەستىك اياسىندا قالانى دامىتۋ قورى ارقىلى 10 توننا ۇن ءبولىندى»، - دەدى پەتروپاۆل قالاسىنىڭ ەڭبەكپەن قامتۋ جانە الەۋمەتتىك باعدارلامالار ءبولىمىنىڭ ارداگەرلەر جانە مۇگەدەكتەرمەن جۇمىس بويىنشا سەكتوردىڭ مەڭگەرۋشىسى ءاليما بەكنازاروۆا.
