مال شارۋاشىلىعى ونىمدەرىن ءوندىرۋ سالاسىندا 10 وزىق جوبا ىسكە اسىرىلماق
بۇل تۋرالى «قازاقپارات» اگەنتتىگىنىڭ رەسمي ساۋالىنا ق ر اۋىل شارۋاشىلىعى مينيسترلىگىنەن حابارلاندى.
اتاپ ايتقاندا، قۇس ەتى بويىنشا اقمولا وبلىسىندا 3 جوبا ىسكە قوسىلماق: «ماكينسك قۇس فابريكاسى» ج ش س (قۋاتتىلىعى 60 مىڭ توننانى قۇرايتىن قۇس برويلەرىنىڭ ءوندىرىسى) ؛ «تەحنو قۇس» ج ش س؛ «Capital Projekt» ج ش س (قۋاتتىلىعى 20 مىڭ توننا قۇس ەتى).
«بۇل جوبالاردىڭ ىسكە قوسىلۋى ءوندىرىس كولەمىن ەكى ەسەگە ارتتىرىپ، ىشكى نارىقتاعى قۇس ەتىنىڭ يمپورتىن 30 پايىزعا دەيىن ازايتۋعا مۇمكىندىك بەرەدى»، - دەلىنگەن مينيسترلىك مالىمەتىندە.
بۇدان بولەك، ەت ءوندىرۋ جانە قايتا وڭدەۋ بويىنشا 3 جوبا ىسكە اسىرىلۋدا: «ەۆرازيا اگرو حولدينگ» ج ش س، «مولوچنىە يستوري» ج ش س جانە «ءۇمىت» ج ش س. «ەۆرازيا اگرو حولدينگ» ج ش س- ءنىڭ قوي ەتىن ءوندىرۋ جانە قايتا وڭدەۋ ءوندىرىسىنىڭ جوباسى شىعىس قازاقستان وبلىسىنىڭ اياگوز اۋدانىندا ورنالاسقان. جوبا اياسىندا قۋاتتىلىعى جىلىنا 6500 توننا ەت وندىرۋگە مۇمكىندىك بەرەتىن ەت كومبيناتى مەن بورداقىلاۋ الاڭى قۇرىلادى. جوبانىڭ ىسكە اسىرىلۋ مەرزىمى 2015-2017 -جىلدار.
«مولوچنىە يستوري» ج ش س اقتوبە وبلىسى العا اۋدانىندا ورنالاسقان. جىلىنا 7,2 مىڭ توننا ەت وڭدەۋدى كوزدەپ وتىرعان شارۋاشىلىق ەت كومبيناتى مەن مال بورداقىلاۋ الاڭىن سالماق. جوبا 2015 - جىلى ىسكە قوسىلماق.
ال «ءۇمىت» ج ش س الماتى وبلىسىندا ورنالاسقان. جوبا اياسىندا جىلىنا 10 مىڭ توننا ەتتى قايتا وڭدەۋگە مۇمكىندىك بەرەتىن ەت كومبيناتى مەن مال بورداقىلاۋ الاڭىن سالۋ جوسپارلانىپ وتىر. «ءۇمىت» ج ش س- ءنىڭ بۇل جوباسى 2015-2016 - جىلدارى پايدالانۋعا بەرىلمەك.
مۇنىمەن قوسا، ءسۇت ءوندىرىسى جانە ءسۇتتى قايتا وڭدەۋ بويىنشا 3 جوبا ىسكە اسىرىلۋدا: «Milker» ج ش س، «اگروترەيدتورگ» ج ش س جانە «قايىڭدى» ج ش س.
«Milker» ج ش س اقتوبە وبلىسىنىڭ مارتوك اۋدانىندا ورنالاسقان. مەكەمە 1600 ساۋىن باستى قۇرايتىن اسىل تۇقىمدى ءسۇت فەرماسىن جانە ىرىمشىك، ءسۇت قىشقىلدى ونىمدەر بويىنشا قۋاتتىلىعى 60 توننانى قۇرايتىن ءسۇت زاۋىتىن سالۋدى كوزدەپ وتىر. جوبا 2015-2017 -جىلدارى ىسكە قوسىلماق.
الماتى وبلىسىنىڭ الاكول اۋدانىندا ورنالاسقان «قايىڭدى» ج ش س 3000 باسقا ارنالعان ءسۇت تاۋارلى فەرماسى مەن قۋاتتىلىعى 100 توننانى قۇرايتىن ءسۇت وڭدەۋ زاۋىتىن سالۋدى كوزدەپ وتىر. جوبا 2015-2016 - جىلدارى قوسىلماق.
«اگروترەيدتورگ» ج ش س 3000 باسقا ارنالعان ءسۇت تاۋارلى فەرماسى مەن قۋاتتىلىعى 50 توننانى قۇرايتىن ءسۇت وڭدەۋ زاۋىتىن سالۋدى جوسپارلاپ وتىر.
«جوبالاردىڭ بارلىعى قازىرگى زامانعى جوعارى تەحنولوگيالى قۇرال- جابدىقتارمەن جابدىقتالعان. وسى جوبالاردىڭ ىسكە قوسىلۋى تاۋارلى ءسۇت ءوندىرىسىن ارتتىرۋعا جانە ىشكى نارىقتى ءسۇت ونىمدەرىمەن تولىقتىرىپ، ەكسپورتتىق پوتەنتسيالدى ارتتىرۋعا مۇمكىندىك بەرەدى»، - ۆەدومستۆو ماماندارى.
اۆتور: رۋسلان عاببا
