ن. نازاربايەۆ: اۋىل شارۋاشىلىعىنداعى ەڭبەك ونىمدىلىگى دەڭگەيى بويىنشا ە و، ا ق ش، كانادا جانە اۆستراليادان 10 ەسە ارتتا قالىپ وتىرمىز
بۇل تۋرالى بۇگىن استىقتى ءوڭىر اكىمدەرىمەن كەڭەس وتكىزگەن ەلباسى نۇرسۇلتان نازاربايەۆ ايتتى.
«مەملەكەت قاجەتتى بارلىق قولداۋ شارالارىن كورسەتۋدە. ءبىز د س ۇ- عا كىرۋ بارىسىندا وسى ءۇشىن كۇرەستىك. بىزدەردى اۋىل شارۋاشىلىعىن سۋبسيديالاماۋعا ماجبۇرلەدى. بىزدەرگە باسەكەگە قابىلەتتى ەمەسسىڭدەر دەدى. ءبىز مۇنى باسقالارى دا جاساپ جاتقانىن دالەلدەدىك. ءبىراق، قالاي بولعاندا دا بۇل ىستە اباي بولعان ءجون»، - دەدى ەلباسى.
مەملەكەت باسشىسى العا تارتقان دەرەكتەرگە سايكەس، سوڭعى 5 جىلدا ءۇش ءوڭىر (اقمولا، سولتۇستىك قازاقستان جانە قوستاناي) ەلىمىزدە بارلىق اۋىل شارۋاشىلىعىنا بولىنگەن سۋبسيديانىڭ ۇشتەن بىرىنە يە بولدى. ياعني، 135 ميلليارد تەڭگە، ليزينگ بويىنشا 3,5 مىڭ بىرلىك تەحنيكا جانە «سىباعا» باعدارلاماسى بويىنشا 51 مىڭ باس اسىل تۇقىمدى ءىرى قارا مال وسى وبلىستارعا بەرىلدى. «قازاگرو» كومپانياسى وسى وڭىرلەردە 103 ميلليارد تەڭگەنىڭ 170 جوباسىن ىسكە اسىردى.
«مىنە، وسى جۇمىستاردىڭ ارقاسىندا 5 جىلدىڭ ىشىندە ءۇش وبلىستاعى ونىمدىلىك 2 ەسە ارتىپ، ءبىر جۇمىسشىعا 1,2 ميلليون تەڭگەنى قۇرادى. 5 جىلدىڭ ىشىندە جاقسى كورسەتكىش، ءبىراق، بىزدەر ءۇشىن بۇل جەتكىلىكسىز»، - دەدى ن. نازاربايەۆ.
ەلباسى قازاقستاندىق اۋىل شارۋاشىلىعى ونىمدەرىنىڭ ەكسپورتى ءۇشىن زور الەۋەت بار ەكەندىگىن باسا ايتتى.
«ەگەر تاياۋ جاتقان كورشىلەردىڭ سۇرانىسىن قارايتىن بولساق، ول 210 ميلليارد تەڭگەنى قۇرايدى. 20 ميلليارد دوللاردىڭ ءونىمىن ەكسپورتقا شىعارا الامىز. 4,5 ميلليارد دوللار - بۇل ىشكى رەسۋرس، ىشكى نارىقتا دا ساتۋعا بولادى. ياعني، دۇرىس نارىق بار. بۇعان قوسا، ءبىز ازىرشە وسىناۋ زور الەۋەتتىڭ شاعىن عانا ۇلەسىن پايدالانۋدامىز»، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، قازاقستاننىڭ اگرارلىق سەكتورى ازىرشە ەكونوميكامىزدىڭ نەگىزگى ءارتارابى بولىپ وتىرعان جوق.
«اۋىل شارۋاشىلىعىنداعى ەڭبەك ونىمدىلىگى دەڭگەيى بويىنشا ءبىز بەلارۋس پەن رەسەيدەن 2 ەسە، ال ە و، ا ق ش، كانادا جانە اۆستراليادان 10 ەسە ارتتا قالىپ وتىرمىز»، - دەدى ن. نازاربايەۆ.
اۆتور: مارلان جيەمباي