ۇلىتاۋدا تاريحي ەسكەرتكىشتەردىڭ سانى 10 مىڭنان اسادى
بۇل جونىندە « ۇلىتاۋ» ۇلتتىق تاريحي- مادەني جانە تابيعي قورىق- مۋزەيىنىڭ ديرەكتورى باحتيار قوجاحمەتوۆ ايتتى.
- قاراعاندى وبلىسى جەرىندەگى ارحەولوگيالىق قازبالاردان تابىلعان زاتتار، جازبا دەرەكتەردەگى مالىمەتتەر، ورتا ازيا، شىعىس جانە ورتالىق ەۋروپا، التاي، ورال ءوڭىرى، ەدىل بويى، ورتا جانە تاياۋ شىعىس حالىقتارىنىڭ تاريحي تامىرلاستىرعان، ەۋروپا مەن ازيانىڭ بايلانىسىن تىعىز كورسەتەدى. كونە كوشپەندى جانە وتىرىقشى حالىقتاردىڭ تىعىز جانە جەمىستى بايلانىستارىنىڭ جارشىسى ۇلىتاۋ مەكەنى بولىپ تابىلادى.
ۇلىتاۋ التىن وردانىڭ العاشقى ورتالىعى بولىپ، ءدال وسى جەردە قازاق، نوعاي، قىرىم، قازان، وزبەك حاندىقتارىنىڭ شىعۋىنا نەگىز جاسالدى. مادەنيەتتىڭ ءوزارا اسەرى جالپى ادامزات وركەنيەتىندەگى زاڭدى قۇبىلىس ەكەندىگىنە بۇل جەردىڭ ارحەولوگيالىق دايەكتەرى دە ايعاق، - دەيدى «ۇلىتاۋ» قورىق- مۋزەيىنىڭ ديرەكتورى.
ۇلىتاۋ وڭىرىندە بۇگىنگى كۇنى رەسمي ەسكەرتكىشتەردىڭ تىركەۋىندە 336 ەسكەرتكىش بار ەكەندىگىن ايتقان ول:
- ءبىراق ارحەولوگتار مەن تاريحشىلاردىڭ زەرتتەۋى بويىنشا ۇلىتاۋدىڭ بۇكىل ەسكەرتكىشتەرىنىڭ سانى 10 مىڭنان اسادى. سوڭعى ءۇش جىلدا ق ر مادەنيەت جانە سپورت مينيسترلىگى جانە اكىمدىكتىڭ كومەگىمەن ۇلىتاۋدا ارحەولوگيالىق ەسكەرتكىشتەرگە كوپتەگەن جاڭعىرتۋ جۇمىستارى جۇرگىزىلۋدە. ۇلىتاۋدىڭ قازاقستان تاريحىنداعى ورنى تۋرالى وتكەن جىلى ەلباسى « ۇلىتاۋداعى سۇحباتىندا» ايتىپ وتكەن بولاتىن.
ەگەر ءبىز بۇل مەكەندى ۇلتىمىزدىڭ بەسىگى، قازاق حاندىعىنىڭ قۇرىلعان جەرى، ءۇش ءجۇزدىڭ باسى ءبىرىنشى رەت قوسىلعان جەر، قازاق حاندىعىنىڭ ورداسى دەپ تانيتىن بولساق ۇلىتاۋعا اۋدان، وبلىس، رەسپۋبليكا دەڭگەيىندە ارنايى باعدارلاما بولۋ كەرەك. ويتكەنى بۇل جەردىڭ تاريحى زەرتتەلىپ، ەسكەرتكىشتەرى ناسيحاتتالۋىنا جاعداي جاسالۋى ءتيىس دەپ ويلايمىن، - دەپ اتاپ ءوتتى.
ا. راكيشەۆا
Baq.kz
