اقتاۋدا 10 جاسار بالا كولىك توناۋمەن اينالىسقان
پوليتسيا مالىمەتتەرىنە قاراعاندا، قالالىق ىشكى ىستەر باسقارماسىنا اقتاۋدىڭ 49 جاستاعى تۇرعىنى بەلگىسىز بىرەۋلەر ونىڭ Opel Vectra كولىگىنىڭ كىلتىن بۇزىپ، ىشىندەگى زاتتاردى قولدى ەتكەنىن حابارلاعان.
كوپ ۇزاماي، كۇدىكتى انىقتالدى. ول 10 جاستاعى اقتاۋ تۇرعىنى بولىپ شىقتى. تەرگەۋ بارىسىندا بۇل بالانىڭ العاشقى ۇرلىعى ەمەس ەكەنى بەلگىلى بولدى. ول وبلىس سونداي-اق «ۆاز-2107» كولىگىن دە توناعان بولىپ شىقتى. پوليتسياعا 21 جاستاعى كولىك يەسى ارىزدانعان. ونىڭ ايتۋىنا قاراعاندا، ۇرىلار كولىكتىڭ ەسىگىن بۇزىپ كىرگەن. بارلىق ايعاقتار جاس بالانىڭ بۇل قىلمىسقا دا قاتىسى بار ەكەنىن دالەلدەدى. بالا كولىكتەن باعالى زات تاپپاعان، كەلتىرىلگەن ماتەريالدىق شىعىن 2000 تەڭگەدەن اسپايدى، دەيدى پوليتسەيلەر.
سونداي-اق بالا Mazda 626 كولىگىن دە توناعان دەگەن كۇدىككە الىنىپ وتىر. ازىرگە ول كولىكتىڭ يەسى كەلتىرىلگەن شىعىن تۋرالى ايتپادى.
قازىرگى كەزدە وقيعا بويىنشا تەرگەۋ امالدارى جۇرگىزىلۋدە.
