استانادا بالالارعا ارنالعان 10 مەكەمەگە جاڭا مەديتسينالىق قوندىرعىلار تابىستالدى
سالتاناتتى شارا - «شيەۆرون» كومپانياسى مەن «ايالا» جەكە قايىرىمدىلىق قورى جۇزەگە اسىراتىن جىل سايىنعى قايىرىمدىلىق اكسياسىنىڭ ءبىر بولىگى.
- جەرگىلىكتى دەنساۋلىق ساقتاۋ ورىندارى مەن سالاۋاتتى ءومىر سالتىن ناسيحاتتاۋعا جول اشاتىن باعدارلامالاردى قولداۋ «شيەۆرون» كومپانياسىنىڭ بارشا الەمدەگى، ناقتىراق ايتقاندا، قازاقستانداعى ينۆەستيتسياسىنىڭ ءبىر بولىگى، - دەدى كومپانيا وكىلى لەيلا ايتمۇحانوۆا.
الەۋمەتتىك جوبا اياسىندا بيىل «شيەۆرون» كومپانياسى جاڭا مەديتسينالىق قۇرال-جابدىقتار، تەحنيكا، جيھاز ساتىپ الىپ، 3№ پەريناتالدى ورتالىق، 1№ جانە 2№ بالالار ەمحانالارى، قالالىق بالالار جۇقپالى اۋرۋلار اۋرۋحاناسى، №23 جانە 22№ بالاباقشالار، 64№ بالاباقشا، ينتەللەكتۋالدى اۋىتقۋشىلىعى بار بالالارعا ارنالعان مەكتەپ-ينتەرناتى، بالالاردىڭ پسيحونيەۆرولوگيالىق مەديتسينالىق-الەۋمەتتىك مەكەمەسى، «دوس» تاۋەلسىز ءومىر» مۇگەدەكتەر ورتالىعى» قوعامدىق بىرلەستىگى ءۇشىن ارنايى بولمەلەر دايىنداپ، مەديتسينالىق قوندىرعىلار، جيھاز ساتىپ الدى.
اتالعان كومپانيا العاشقى كۇننەن باستاپ استانا قالاسى اكىمدىگىمەن بىرلەسىپ قالالىق مەديتسينالىق، ءبىلىم بەرۋ جانە الەۋمەتتىك مەكەمەلەرگە ماتەريالدىق كومەك كورسەتىپ كەلەدى. قور قىزمەتىنىڭ نەگىزگى باعىتى بالالار ەمحانالارى مەن ءبىلىم بەرۋ مەكەمەلەرىنە: اۋرۋحانالارعا، ەمحانالارعا، پەرزەنتحانالارعا، ساناتوريالار مەن ساۋىقتىرۋ ورتالىقتارىنا، بالالار ۇيلەرىنە، مەكتەپ-ينتەرناتتارعا قولۇشىن سوزۋ.
ماراپاتتاۋ ءراسىمى بارىسىندا ەسترادانىڭ «جاس جۇلدىزدارى» ءبي بيلەپ، ءان سالدى. شارا سوڭىندا 2№ قالالىق ەمحانا عيماراتىندا تىرەك-قيمىل اپپاراتى بۇزىلعان جانە ءتىلى كەش شىققان بالالارعا ارنالعان «رەلاكس» سەنسورلىق بولمەسى تانىستىرىلدى.
