ءار وتباسى ءۇشىنشى بالا ءۇشىن 10 مىڭ دوللاردان الاتىن بولادى
«مەملەكەت باسشىسى جارلىق جوباسىنداعى نەگىزگى ەرەجەلەرمەن كەلىستى»، - دەلىنگەن حابارلامادا.
باسپا ءسوز قىزمەتىنىڭ اقپاراتى بويىنشا، جارلىقتىڭ جوباسىمەن وتباسىلىق كاپيتالعا قاتىستى وتباسىلارعا ءۇشىنشى جانە ودان كەيىن بالالار تۋعان جاعدايدا 10 مىڭ دوللار كولەمىندە ءبىر جولعى اقشالاي قارجى تولەۋ قاراستىرىلىپ وتىر.
«وتباسىلىق كاپيتال قۇقىعىنا 2015-جىلدىڭ 1- قاڭتارىنان 2019-جىلدىڭ 31- جەلتوقسانىنا دەيىن ءۇشىنشى جانە ودان كەيىنگى بالالارى تۋعاندا نەمەسە اسىراپ العان جاعدايدا بەلارۋس ازاماتتارى يە بولماق»، - دەپ تۇسىندىرىلگەن حابارلامادا.
وتباسىلىق كاپيتالدى تاعايىنداۋ قۇقىعى ءۇشىن جۇگىنگەن ازاماتتىڭ تىلەگى ءۇشىنشى جانە ودان كەيىنگى بالالاردىڭ تۋعان كۇنىنەن نەمەسە اسىراپ العان كۇنىنەن 6 اي ىشىندە جۇزەگە اسىرىلادى. ول قارجىنى پايدالانۋ قۇقىعى بالا تۋعان كۇننەن باستاپ 18 جاسقا تولعان كەزدە بەرىلەدى.
