قازاقستان جونەلتكەن 10 ۆاگون گۋمانيتارلىق جۇك سەربياعا جەتكىزىلدى

استانا. قازاقپارات - وتكەن جازدا سەربيا رەسپۋبليكاسىندا (س ر) ورىن العان اپاتتى سۋ تاسقىنىنا بايلانىستى اتالعان ەلدىڭ كومەك كورسەتۋگە رەسمي سۇراۋىنا وراي، قازاقستان ۇكىمەتى تابيعي كاتاكليزم زاردابىنىڭ سالدارىن قايتا قالپىنا كەلتىرۋ ماقساتىندا شۇعىل گۋمانيتارلىق كومەك جىبەرۋگە شەشىم قابىلدادى.

بۇل تۋرالى سىرتقى ساياسي ۆەدوموستۆونىڭ باسپا ءسوز قىزمەتىنەن حابارلادى.

وتكەن اپتادا ق ر ۆەنگريا جانە سەربياداعى ەلشىلىگى س ر سءى م، ىشكى ىستەر مينيسترلىگىنىڭ توتەنشە جاعدايلار قىزمەتى جانە سەربيانىڭ قىزىل كرەست ۇيىمىمەن بىرلەسە گۋمانيتارلىق جۇكتىڭ تاپسىرۋ شارالارىن وتكىزدى. رەسمي ءىس-شارا بارىسىندا اتالعان مەملەكەتتىك ورگانداردىڭ باسشىلارىمەن قاتار قازاقستان-سەرب پارلامەنتارالىق دوستىق توبىنىڭ مۇشەلەرى قاتىستى.

اپاتقا ۇشىراعان ايماقتاردىڭ مۇقتاجدىقتارىنا 42 دانا سۋعا ارنالعان قويما، 1 مىڭ توسەك، 170 شاتىر، 2,5 مىڭ توسەك-ورىن جابدىق جيىنتىعى، 340 شاينەك - بارلىعىن قوسقاندا 10 ۆاگون گۋمانيتارلىق جۇك قازاقستاننان سەربياعا تەمىرجول ارقىلى جەتكىزىلدى.

س ر س ءى م مەملەكەتتىك حاتشىسىنىڭ ورىنباسارى گوران پەتروۆيچ سەربيا ۇكىمەتى اتىنان ەلىمىزدىڭ باسشىلىعىنا جانە قازاقستان حالقىنا ۋاقىتىلى كورسەتىلگەن كولعابىسى ءۇشىن العىسىن ءبىلدىردى.