تاڭعاجايىپ 10 مەديتسينالىق رەكورد
دەنەدەگى ەڭ جوعارعى تەمپەراتۋرا 1980 - جىلى ا ق ش-تىڭ اتلانتا قالاسىندا تىركەلگەن. 52 جاستاعى ۋيللي دجونستىڭ ىستىعى قاتتى كوتەرىلىپ، اۋرۋحاناعا تۇسەدى. ونىڭ تەمپەراتۋراسى 46,5 °C-تى كورسەتكەن. ۋيلل دجونس اۋرۋحانادا 24 كۇندەي ەمدەلىپ، ساۋىعىپ شىققان ەكەن.
1994 - جىلى 23 - اقپاندا دەنەدەگى ەڭ تومەنگى تەمپەراتۋرا - 14,2 °C تىركەلگەن. ەكى جاسار كانادالىق كارلي كوزولوفسكي التى ساعات بويى -22 °C سالقىن جەردە قالىپ قويعان. دارىگەرلەر سابيگە دەر كەزىندە كومەك كورسەتىپ، امان الىپ قالعان ەكەن.
حيرۋرگيالىق كومەككە جۇگىنگەن ەڭ كارى ادام - ا ق ش-تىڭ حيۋستون قالاسىنىڭ تۇرعىنى دجەيمس گەنري برەتت (كىشى). ول 111 جاسقا تولۋىنا 105 كۇن قالعان كەزدە جامباسىنا وتا جاساتقان. قيىندىققا تولى كۇردەلى وتا دجەيمس گەنري برەتتىڭ قۋانىشىنا وراي ءساتتى اياقتالعان.
ەڭ كوپ تابلەتكا قابىلداعان ادام - زيمبابۆەلىك ك. كيلنەر. ول 21 جاسىندا 1967 - جىلدىڭ 9 - شىلدەسىنەن باستاپ، 1988 - جىلدىڭ 19 - شىلدەسىنە دەيىنگى ەمدەلۋ كەزىندە 565939 دانا تابلەتكا قابىلداعان.
ەڭ ۇلكەن ينە ۇلىبريتانيالىق سەميۋەل دەۆيدسونعا سالىنعان. ول 78900 ينەكتسيا ينسۋلين قابىلداعان ەكەن.
گەموفيليادان (قاننىڭ ۇيۋىنىڭ ناشارلىعىنان قان توقتاماۋ) زارداپ شەككەن چيكاگولىق ۋوررەن دجيريچكە وتا كەزىندە رەكوردتىق كولەمدە قان قاجەت بولعان. 1970 - جىلدىڭ جەلتوقسان ايىندا 50 جاستاعى ۋوررەن دجيريچتىڭ جۇرەگىنە وتا جاساۋ كەزىندە 2400 دونورلىق بىرلىك (1080 ليتر قان) قۇيىلعان.
امەريكالىق چارلز يەنسەن 1954 - جىلدان 1994 - جىلعا دەيىن 970 رەت وتا جاساتقان.
بۋىن قابىنۋىنان زارداپ شەككەن امەريكالىق نورما ۋيكۆاير 1979 - جىلدان 1989 - جىلعا دەيىن سەگىز رەت جاساندى بۋىن سالدىرۋعا ءماجبۇر بولعان.
جۇرەگى ەڭ كوپ ۋاقىت توقتاپ قالعان ادام - نورۆەگيالىق بالىقشى يان ريەۆسدال. ول قىستى كۇنى بەرگەن اۋدانىنداعى بورتتا اياعى تايىپ، قۇلاپ تۇسەدى. اۋا تەمپەراتۋراسىنىڭ وتە قاتتى سۋىق بولۋى سەبەپتى ونىڭ جۇرەگى ءتورت ساعات بويى سوقپاي قالعان.
1977 -جىلى بريتانيالىق دەۆيد پەرلي «فورمۋلا-1» اۆتوجارىسىنداعى اپات ناتيجەسىندە دەنەسى 29 جەردەن سىنىپ، 3 جەردەن شىعىپ كەتەدى. ءتىپتى، جۇرەگى اۋرۋحاناعا دەيىن التى رەت توقتاپ قالادى. دەۆيد پەرلي جازىلىپ شىققان سوڭ، اۆتوجارىسقا قايتا ورالىپ، جارىستارعا قاتىسادى. ول 1985 - جىلى 2 - شىلدە كۇنى ۇشاق اپاتىنان قازا تابادى.
دايىنداعان: نۇرجىگىت ايدارحان
massaget.kz
