ينتەرنەتكە كوپ وتىراتىن ۇزدىك 10 ەل

ءسىرا، بۇل مۇمكىن بولار، دەگەنمەن ەشكىمدە بۇلاي تاۋەكەل ەتكىسى كەلمەيدى.
ويتكەنى جەلى قازىرگى ادامنىڭ بۇكىل قاجەتىن قاناعاتتاندىرىپ تۇر. International Telecommunications Union ادامداردىڭ باسىم بولىگى جەلىدە وتىراتىن ۇزدىك ەلدەردىڭ 10 دىعىنىڭ ءتىزىمىن جاسادى. Vestifinance.ru سايتىنىڭ جازۋىنشا، مالىمەتتەر جاڭا - 2013 -جىلعى.
10. شۆەيتساريا، 85,2 پايىز
شۆەيتساريادا ينتەرنەت وتە جىلدام جۇمىس ىستەيدى. بۇل حالىقارالىق ارىپتەستىككە، اتاپ ايتقاندا بانكينگكە ارقا سۇيەگەن ەل ەكونوميكاسىنىڭ قالىپتى جۇمىس ىستەۋى ءۇشىن قاجەت.
حالقىنىڭ باسىم بولىگى، (ياعني شۆەيتسارلىقتاردىڭ ۇشتەن ءبىرى 55 جاستان اسقان) قارتايىپ كەلە جاتسا دا، ازاماتتارىنىڭ 15 پايىزى عانا ينتەرنەتتى پايدالانبايدى.
9. كانادا، 86,8 پايىز
كانادالىق ينتەرنەت نارىقتا قىزىق جاعداي قالىپتاستى: مۇندا باسەكەلەستىك جەتىسپەيدى. ەكى ويىنشى عانا ءبىر-بىرىمەن سايىسقا تۇسۋدە. سونىڭ ناتيجەسىندە - جەلىگە قوسىلۋ جىلدامدىعى ەڭ تومەنگى كورسەتكىشتە. ءبىراق تا كانادالىقتار بۇعان كوندىككەن، ويتكەنى ءوز ومىرلەرىن ينتەرنەتسىز ەلەستەتە المايدى.
8. ۇلى بريتانيا، 87 پايىز
ەگەر كانادادا بيلىك ينتەرنەت-نارىقتاعى باسەكەلەستىك ماسەلەلەرىنە ونشا نازار اۋدارمايتىن بولسا، ۇلى بريتانيادا وعان كوڭىل مۇلدەم كوپ ءبولىنىپ وتىرعان سىڭايلى. مۇندا كوپتەگەن ويىنشىلار بار، سوندىقتان دا قوسىلۋ جىلدامدىعى جانە سيگنال ساپاسى وتە جوعارى، الايدا بيلىك تسەنزۋرا ەلەمەنتتەرىن ەنگىزۋگە تىرىسۋدا. بۇل «جەلى بەيتاراپ» پرينتسيپىن بۇزۋعا اكەپ سوعادى.
7. جاڭا زەلانديا، 89,5 پايىز
جاڭا زەلانديا - ينتەرنەتى جاي جۇمىس ىستەيتىن ەلدىڭ ءبىرى. ويتكەنى نارىق شاعىن، سوندىقتان دا وعان اقشا سالۋ ءتيىمسىز. ناتيجەسىندە - قوسىلۋ جىلدامدىعى بويىنشا 46-شى ورىندا. دەگەنمەن مەملەكەت جوبانى دەربەس قارجىلاندىرۋعا تىرىسۋدا، ونىڭ اۋقىمىندا وسى ونجىلدىقتىڭ سوڭىندا ەل حالقىنىڭ 75 پايىزى كەڭ جولاقتى ينتەرنەتپەن قامتاماسىز ەتىلمەك.
6. فينليانديا، 91 پايىز
فينليانديا ءوز دومەنىنە يە بولعان العاشقى ەۋروپالىق ەلدەردىڭ ءبىرى. Fi ونداعان جىلدار بويى ءوز ينفراقۇرىلىمىن بەلسەندى جەتىلدىرۋدە. 2009 - جىلى وكىمەت ورىندارى بارلىق ازاماتتاردىڭ شاپشاڭ وپتيكالىق-تالشىقتى ينتەرنەتكە قول جەتىمدىلىگىن قامتاماسىز ەتۋگە ۋادە بەردى. 2015 - جىلى فينليانديانىڭ بۇكىل حالقى جىلدامدىعى سەكۋندىنا 100 مەگابيتتىك ينتەرنەتپەن قامتاماسىز ەتىلۋى ءتيىس. بۇل الەمدەگى ەڭ جوعارى كورسەتكىشتەردىڭ ءبىرى بولماق.
5. دانيا، 93 پايىز
Google دىڭ 2012 - جىلعى زەرتتەۋلەرىنە سايكەس، دانيا ۇيالى ينتەرنەتتىڭ جىلدامدىعى جاعىنان كورەيا رەسپۋبليكاسىنا عانا جول بەرەدى جانە ءۇي ينتەرنەتىنىڭ جىلدامدىعى بويىنشا الەمدە 6 ورىندا. ەۋروپانىڭ ءبىرقاتار ەلدەرى سياقتى دانيا بيلىگى دە جەلىدەگى زاڭسىز كونتەنتپەن جانە قاراقشىلىقپەن كۇرەسۋدە، The Pirate Bay جەلىسىن بۇعاتتاپ، تسەنزۋرا ەلەمەنتتەرىن ەنگىزۋدە.
4. نيدەرلاندى، 93 پايىز
نيدەرلاندى بيلىگى بۇكىل ەلدى «ينتەرنەتتەندىرۋ» باعدارلاماسىن بەلسەندى قولداۋدا. 2010 - جىلعى رەفورمادان كەيىن كەڭ جولاقتى ينتەنرنەتكە قول جەتىمدى ءۇي شارۋاشىلىقتارىنىڭ سانى 700 مىڭنان 7 ميلليونعا دەيىن ءوستى. سونىمەن بىرگە ەل «جەلىلىك بەيتاراپتىق» پرينتسيپىن قولدايدى: كونتەنت ماسەلەسىنە ارالاسپايدى جانە كەيبىر ويىنشىلاردىڭ باسقالاردان باسىمدىقتى ارتىقشىلىققا يە بولۋىنا جول بەرمەيدى.
3. شۆەتسيا، 94 پايىز
شۆەتسيا ۇيالى ينتەرنەت جىلدامدىعى بويىنشا الەمدە 5 شى، ءۇي ينتەرنەتى جونىنەن - 8 - ورىندا. ۇزاق ۋاقىت بويى ەلدىڭ قاراقشىلارعا بوساڭدىعىمەن اتى شىقتى، ءتىپتى The Pirate Bay توررەنت-ترەكەرى قىزمەت ىستەۋىن قولدادى دا. كەيىنىرەك بيلىك اقىرى پورتالدىڭ نەگىزىن قالاۋشىلاردىڭ ءبىرى پەتەر سۋندەنى تۇتقىنداۋعا ۇيعاردى.
2. نورۆەگيا، 95 پايىز
نورۆەگيا امەريكاندىقتاردىڭ قولداۋىمەن اعىلشىن ءتىلى نەگىزگى ەمەس ەلدەردىڭ ىشىندە ينتەرنەتكە العاشقى قوسىلعان ەل بولدى. كوپتەگەن قونىستار تاۋلى جەرلەردە بولۋىنا قاراماستان ەل وكىمەتى جانە ينتەرنەت-پروۆايدەرلەر ازاماتتاردىڭ باسىم بولىگىنىڭ ينتەرنەتكە قولجەتىمدىلىگىنە قامقورلىق جاساۋدا. كەيبىر اۋىلدىق جەرلەردە ينتەرنەتتەن گورى اۋىزسۋ جونىنەن پروبلەمالار جەتەرلىك.
1. يسلانديا، 96,2 پايىز
يسلانديادا بۇكىل حالىقتى كەڭ جولاقتى ينتەرنەتپەن قامتاماسىز ەتۋ وتە كۇردەلى بولدى. ەلدە ادامدار كوپ ەمەس، ال ينفراقۇرىلىم جاساۋ قىمبات.
ءبىراق تا بۇگىندە ءۇي شارۋاشىلىقتارىنىڭ 83,2 پايىزى وپتيكالىق-تالشىقتى جەلىگە قوسىلعان. بيلىك تاراپىنان جەلىگە ءىشىنارا سەنزۋرا ورناتۋعا تىرىسۋىنا قاراماستان، يسلاندىقتار ءومىرىنىڭ باسىم بولىگىن ينتەرنەت-كەڭىستىكتە وتكىزەدى.
اۆتور: قانات مامەتقازى ۇلى