ءبىر جىلىن پينگۆيندەرگە جەمپىر توقۋعا ارناعان 109 جاستاعى قاريا - فوتو

استانا. قازاقپارات - اۆستراليانىڭ ەڭ كارى تۇرعىنى - 109 جاستاعى الفرەد دەيت (Alfred Date) ءبىر جىلدان بەرى بوس ۋاقىتىن پينگۆيندەرگە جەمپىر توقۋمەن وتكىزىپ كەلەدى. جىلى كيىمدەر دايىن بولعاندا فيلليپ ارالىنداعى پينگۆيندەرگە كومەك قورىنا وتكىزىلەدى.

دەيتتىڭ ايتۋىنشا، ول وتكەن جىلدىڭ ناۋرىزىندا ۋەلس جاعالاۋىندا ورنالاسقان قارتتار ۇيىنە كەلگەن ۋاقىتتان باستاپ جەمپىر توقۋمەن اينالىسىپ، دايىن بولعان كيىمدەردى قورعا وتكىزىپ كەلگەن.

29 جاسىنان بەرى كيىم توقۋمەن اينالىساتىن قاريا قوعامعا وزدىگىنشە پايداسىن تيگىزۋدى ۇيعارعانىن ايتادى. قازىر الەمنىڭ ءار تۇكپىرىنەن دەيت سىندى ەرىكتىلەردىڭ ارقاسىندا 32 مىڭ پينگۆينگە جەمپىر توقىلىپتى.

قور قىزمەتكەرلەرىنىڭ ايتۋىنشا، جەمپىرلەر پينگۆيندەرگە ەرىككەننەن توقىلىپ جاتقان جوق، قاجەتتىلىكتەن تۋىنداعان دۇنيە كورىنەدى. فيلليپ ارالدارىندا سۋعا مۇناي توگىلۋدىڭ سالدارىنان پينگۆيندەر سۋعا ءتۇسىپ، قورەگىن اۋلاپ جەۋ مۇمكىندىگىنەن قاعىلىپ وتىر. ال سۋعا تۇسپەگەن پينگۆين كوپ ۇزاماي، ءۇسىپ ولەدى ەكەن. ماسەلەن، 2001-جىلى تەڭىزگە مۇناي توگىلىپ، 438 پينگۆين زارداپ شەككەن. جىلى جەمپىرلەر توقۋدىڭ ارقاسىندا قىرىلعالى تۇرعان قۇستاردىڭ 96 پايىزى قۇتقارىلعان.

bnews.kz