استاناداعى 108№ سايلاۋ ۋچاسكەسىندە بۇگىن تۋعان كۇنى بولعان سايلاۋشىعا سىيلىقتار تابىس ەتىلدى
تۋعان كۇن يەسى نۇرسۇلۋ وسپانوۆانىڭ ايتۋىنشا، بۇل ونىڭ ومىرىندەگى ەڭ ەستە قالارلىق تۋعان كۇن بولدى.
«بۇگىنگى سايلاۋ ناۋقانى مەنىڭ تۋعان كۇنىممەن تۇسپا-تۇس كەلگەنىنە وتە قۋانىشتىمىن. بۇگىنگى سايلاۋدا بارلىعىمىز دۇرىس تاڭداۋ جاسايتىنىمىزعا سەنىمدىمىن. ويتكەنى ءبىزدىڭ بۇگىنگى تاڭداۋىمىز جارقىن بولاشاعىمىزدىڭ كەپىلى بولماق»، - دەيدى ن. وسپانوۆا.
اتالعان سايلاۋ ۋچاسكەسىنە سايلاۋشىلار وتە كوپ جينالىپتى. ۋچاسكە ءتوراعاسى ايتبەك كارىبجانوۆتىڭ ايتۋىنشا، ۋچاسكەگە 2941 ادام تىركەلگەن. تاڭەرتەڭنەن بەرى 600 دەن استام ادام داۋىس بەردى.
«وزدەرىڭىز كوردىڭىزدەر، بيىل سايلاۋشىلاردىڭ بەلسەندىلىگى وتە جوعارى. سايلاۋشىلاردىڭ كوبى جاستار. ولار تاڭەرتەڭنەن باستاپ وسىندا كەلىپ، جاۋاپكەرشىلىكتى تۇردە داۋىستارىن بەرۋدە»، - دەيدى ا. كارىبجانوۆ.
اۆتور: ءابۋ-اسقار مەكەش ۇلى
