00:08, 23 - اقپان 2015 | GMT +6
اقتوبە وبلىسىنداعى «رامازان» قۇس فابريكاسى جىلىنا 104 ميلليون دانا جۇمىرتقا شىعارادى - فوتو
اقتوبە. قازاقپارات - اقتوبەدە 2010 - جىلدىڭ سوڭىندا ۇدەمەلى يندۋستريالىق- يننوۆاتسيالىق مەملەكەتتىك دامۋ باعدارلاماسى اياسىندا جاڭعىرتىلعان «رامازان» قۇس فابريكاسى ايماقتاعى يندۋستريالاندىرۋ كارتاسى بويىنشا ىسكە اسىرىلعان العاشقى نىسان بولىپ وتىر.
كاسىپورىندى جاڭعىرتۋعا مەملەكەتتىك قولداۋدىڭ كومەگىمەن 425 ميلليون تەڭگە ينۆەستيتسيا تارتىلدى.
«مۇندا نەمىس جانە يسپان قوندىرعىلارى ورناتىلىپ، تەحنولوگيالىق پروتسەستەردىڭ ءبارى اۆتوماتتاندىرىلعان.
بۇگىنگى تاڭدا جوبالانعان مەجەگە قول جەتكىزىلدى. اتاپ ايتقاندا، جىلىنا 104 ميلليون دانا جۇمىرتقا شىعارىلادى»، - دەيدى قۇس فابريكاسىنىڭ باس زووتەحنيگى باقىتجان كۇزەمبايەۆ.
كاسىپورىننىڭ قۋاتتىلىعىنىڭ ارقاسىندا قۇس جۇمىرتقاسى اقتوبە وبلىسىن عانا ەمەس، وزگە وڭىرلەردىڭ دە سۇرانىستارىن ساپالى ونىمدەرمەن قامتاماسىز ەتۋدە.
«رامازان» ج ش س قۇس فابريكاسىنىڭ ديرەكتورى نۇرلان گيلمانوۆتىڭ ايتۋىنشا، بۇگىنگى تاڭدا جەم ازىقتارىن دايىنداۋعا دا باسا نازار اۋدارىلىپ وتىر. 1800 گەكتار سۋارمالى جەرگە جۇگەرى، ارپا ەگىلۋدە.
