جولداردىڭ جابىلۋى: پوليتسياعا باعىنباعاندارعا 103 مىڭ تەڭگە ايىپپۇل سالىنادى

استانا. قازاقپارات - قاڭتار ايىنىڭ باسىندا كوپتەگەن وڭىردە اۋا رايى ناشارلاپ، 9 وبلىستا اۆتوجولدار جابىلدى. بۇل تۋرالى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك ايتتى، دەپ حابارلايدى قازاقپارات ءتىلشىسى.

«ەڭ قيىن كۇندەر 3 جانە 4- قاڭتاردا بولدى، قار، قاتتى جەل، بوران بولىپ، كورىنىس ناشارلادى. ەلىمىزدىڭ 9 وڭىرىندە رەسپۋبليكالىق جانە وبلىستىق ماڭىزى بار اۆتوجولداردىڭ 79 ۋچاسكەسىندە كولىك قوزعالىسىنا شەكتەۋلەر ەنگىزىلدى. جولداردا ت ج جويۋ جونىندەگى رەسپۋبليكالىق شتاب قۇرىلدى»، - دەدى ىشكى ىستەر مينيسترلىگىنىڭ وكىلى اپتالىق ونلاين بريفينگىدە.

ش. تۇرلىبەكتىڭ ايتۋىنشا، ەۆاكۋاتسيالاۋ ءۇشىن 769 ۋاقىتشا جىلىتۋ پۋنكتى دايىندالدى.

اۆاريالىق- قۇتقارۋ جۇمىسىنا 4 مىڭنان استام ادام جانە 1,5 مىڭ تەحنيكا جۇمىلدىرىلدى.

«جەكە جۇرگىزۋشىلەر پوليتسيانىڭ جولداعى قوزعالىس شەكتەۋلەرىن ەلەمەي، قولايسىز اۋا- رايىندا قاۋىپتى ۋچاسكەلەرگە شىعىپ، وزدەرىنە جانە جولاۋشىلارىنا ءومىر مەن دەنساۋلىققا قاۋىپ توندىرەدى. كوپ جاعدايدا ولاردىڭ كولىگى قار كوشكىنىنە كەپتەلىپ قالادى جانە ولاردى قۇتقارۋ ءۇشىن پوليتسيا مەن ت ج قىزمەتكەرلەرى تاۋەكەلگە بارىپ، رەسۋرستاردى جۇمساۋعا ءماجبۇر بولادى. كولىك جۇرگىزۋشىلەرى جابىق جولدارعا شىقپاۋ جونىندە پوليتسيانىڭ زاڭدى تالاپتارىنا باعىنباعان جاعدايلاردا ولارعا 30 ا ە ك نەمەسە 103500 تەڭگە ايىپپۇل، 15 تاۋلىككە دەيىن اكىمشىلىك قاماققا الۋ تۇرىندە اكىمشىلىك جاۋاپكەرشىلىك قارالعانىن ەسكەرتەمىز»، - دەدى سپيكەر.

اۋا رايى جاعدايى ناشارلاعان جاعدايدا جولدارداعى جاعداي حالىققا س م س- تاراتۋ، ينتەرنەت- ارنالار جانە تەلەراديو حابارلارى ارقىلى الدىن الا جەتكىزىلەدى.

ىشكى ىستەر مينيسترلىگى ازاماتتارعا جولداعى جاعدايدى الدىن الا بىلۋگە كەڭەس بەرەدى.

اۋا رايىنىڭ ناشارلاۋىنا بايلانىستى جابىق ۋچاسكەلەر تۋرالى سەنىمدى اقپاراتتى 112، 102 تەلەفوندارى، سونداي- اق «قازاۆتوجول» ۇ ك» ا ق بايلانىس ورتالىعىنان 1403 تەلەفونى بويىنشا بىلۋگە بولادى.

اۆتور

ايجان سەرىكجان قىزى