ماۋسىم ايىنداعى اپتاپ ىستىق 102 جىل بۇرىنعى تەمپەراتۋرا رەكوردىن بۇزدى
«قازگيدرومەتتىڭ» مالىمەتىنشە، 2023 -جىلدىڭ ماۋسىم ايى تاريحتا ەڭ ىستىق ءارى جاڭبىرلى ايلاردىڭ ءبىرى بولىپ قالاتىن ءتۇرى بار.
«ماۋسىمنىڭ العاشقى ونكۇندىگى شەكتەن تىس اپتاپ تىركەلىپ، وتكەن جىلداردىڭ رەكوردىن بۇزدى. بۇعان يران مەن ورتا ازيادان كەلەتىن تروپيكالىق اۋا ماسساسى سەبەپكەر بولعان. مىسالى، قوستاناي مەتەورولوگيالىق ستانساسىندا اۋا تەمپەرتۋراسىنىڭ ەڭ جوعارى ءمانى 38,2 گرادۋس بولعان. سوڭعى رەت وسىعان ۇسقاس ىستىق 1995 -جىلى بولعان (35,5 گرادۋس). ال قىزىلوردا وبلىسىندا 6-ماۋسىم كۇنى 41,6 گرادۋس ىستىق تىركەلدى. بۇعان دەيىنگى رەكورد اتالمىش وڭىردە 2018 -جىلى بايقالعان. ول كەزدە اۋا تەمپەراتۋراسى 38,7 گرادۋستى كورسەتكەن. پەتروپاۆلدا 7-ماۋسىم كۇنى تەمپەراتۋرا 38,0 گرادۋسقا جەتكەن. وسىلايشا 1998 -جىلعى رەكورد (34,9 گرادۋس) جاڭاردى. ۇلىتاۋ وبلىسىنىڭ ورتالىعى جەزقازعان قالاسنىدا دا 7-ماۋسىم كۇنى اۋا تەمپەراتۋراسى 40,6 گرادۋستى كورسەتتى. وسىلايشا 1990 -جىلعى رەكورد (40,6 گرادۋس قايتالاندى»، - دەلىنگەن «قازگيدرومەتتىڭ» مالىمەتىندە.
مەكەمەنىڭ دەرەگىنە سۇيەنسەك، 8-ماۋسىمدا پاۆلودارداعى مەتەورولوگيالىق ستانداسا تەمپەرتۋرا باعانى 40 گرادۋسقا شىققان.
بۇل 2010 -جىلعى رەكوردتان دا (36,5 گرادۋس) جوعارى.
ءدال وسى كۇنى وسكەمەندەگى مەتەوستانسادا دا رەكوردتىق تەمپەرتۋرا تىركەلدى - 37,1 گرادۋس.
2008 -جىلعى رەكورد 35,1 گرادۋس بولاتىن.
8-ماۋسىم كۇنى تۇركىستانداعى مەتەورولوگيالىق ستانسادا اۋا تەمپەراتۋراسى 40,7 گرادۋسقا جەتكەن.
ەڭ جىلى ءوڭىر سانالاتىن تۇركىستاننىڭ وزىندە ماۋسىمنىڭ باسى بۇلايشا ءجيى ىسىي بەرمەيدى. تەك 1921 -جىلدىڭ 8-ماۋسىمىندا اۋا تەمپەراتۋراسى 40 گرادۋس بولعان ەكەن.
وسىلايشا 102 -جىل بۇرىنعى رەكورد جاڭارعان. ال 9-ماۋسىمدا تارازداعى مەتەوستانسادا رەكوردتىق تەمپەراتۋرا تىركەلگەن - 38,9 گرادۋس.
سالىستىرۋ ءۇشىن ايتساق، 2013 -جىلعى رەكورد - 36,9 گرادۋس.
ماۋسىم ايىنىڭ ەكىنشى جانە ءۇشىنشى ونكۇندىكتەرىندە ەلدىڭ باتىس جانە سولتۇستىك- باتىس بولىگىندە جاۋىن- شاشىن كوپ بولعان.
«استانادا ماۋسىم ايىنداعى ەڭ جوعارى تەمپەرتۋرا 6-ماۋسىمدا بايقالدى - 38,4 گرادۋس. وسىلايشا 1939 -جىلعا رەكورد (35,7 گرادۋس) جاڭارىپ وتىر. جالپى ماۋسىم ايىندا 24 م م جاۋىن- شاشىن ءتۇستى. بۇل وسى كەزەڭدەگى ايلىق نورمانىڭ %60 عانا. قالىپتى جىلداردا بۇل ايدا وت نورمى، 40 م م جاۋىن- شاشىن تۇسەتىن»، - دەپ جازىلعان «قازگيدرومەت» دەرەگىندە.
