قازاقستان 100 پايىز ەلەكتروندىق كەدەندىك دەكلاراتسيالاۋعا كوشتى

«سالىق جانە كەدەن سالالارىندا سيفرلىق تەحنولوگيالاردى ەنگىزۋ بويىنشا جۇمىستار جالعاسىپ جاتىر. سيفرلاندىرۋ قولجەتىمدى ونلاين سەرۆيستەر ەسەبىنەن بيزنەس قىزمەتىن جەڭىلدەتىپ، ەكونوميكالىق قۇلدىراۋدىڭ سالدارىن ازايتۋعا مۇمكىندىك بەرگەنىن اتاپ وتكىم كەلەدى. بۇعان دەيىن بيزنەس تاراپىنان كەدەننىڭ اتىنا پروتسەستىڭ اشىق بولماۋىنا جانە قاعاز تۇرىندە دەكلاراتسيالاۋ كەزىندەگى قيىندىقتارعا قاتىستى كوپتەگەن ماسەلە بولعانى جاسىرىن ەمەس.
وسىعان بايلانىستى ەلەكتروندىق دەكلاراتسيالاۋ فورماتىنا كوشۋ جۇزەگە اسىرىلدى. سونىمەن، ساۋدا راسىمدەرىن وڭايلاتۋ ماقساتىندا بۇرىن «استانا-1» كەدەندىك جانە سالىقتىق اكىمشىلەندىرۋدىڭ اقپاراتتىق اۆتوماتتاندىرىلعان جۇيەسى ەنگىزىلىپ، بۇل 100 پايىز ەلەكتروندىق كەدەندىك دەكلاراتسيالاۋعا كوشۋ بويىنشا حالىقارالىق مىندەتتەمەلەردىڭ ورىندالۋىن قامتاماسىز ەتتى»، - دەدى ەلدوس ساۋدابايەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، 2022 -جىلعى قىركۇيەكتە ءۇشىنشى ەلدەرگە ءجۇرىپ وتەتىن ترانزيتتىك تاۋارلاردى كەدەندىك دەكلاراتسيالاۋعا بايلانىستى كەدەندىك وپەراتسيالاردىڭ حرونومەتراجى جۇرگىزىلىپ، ۇلتتىق تەمىرجول تاسىمالداۋشىسى مەن مەملەكەتتىك كىرىستەر ورگاندارىنىڭ اقپاراتتىق جۇيەلەرىنىڭ ءوزارا ءىس- قيمىل سحەماسى ازىرلەندى.
بۇل ءوزارا ءىس- قيمىل سحەماسى تاۋارلاردىڭ كەلگەنى تۋرالى حابارلامانى، الدىن الا اقپاراتتاندىرۋ نەگىزىندە ترانزيتتى دەكلاراتسيالاۋدى، ترانزيتتىك دەكلاراتسيالاردى اۆتوماتتى تىركەۋدى جانە شىعارۋدى كوزدەيدى. ءبىر كونتەينەرلىك پوەزدى راسىمدەۋ ۋاقىتى 3 ساعاتتان 30 مينۋتقا دەيىن قىسقاردى.
«قازىر قازاقستان - قىتاي شەكاراسىنداعى «التىنكول» جانە «دوستىق» وتكىزۋ پۋنكتتەرىندە مەملەكەتتىك كىرىستەر ورگاندارى مەن ۇلتتىق تەمىرجول تاسىمالداۋشىسىنىڭ اقپاراتتىق جۇيەلەرىنىڭ ينتەگراتسياسىنا تەستىلەۋ جۇرگىزىلىپ جاتىر. بۇل شارالار كەدەندىك راسىمدەردى جەڭىلدەتۋگە باعىتتالعان»، - دەدى ەلدوس ساۋدابايەۆ.