وليمپيادالىق 100 ۇزدىك مەكتەپتىڭ ءتىزىمى جاسالدى

استانا. قازاقپارات - 2022-2023 وقۋ جىلىنداعى جالپى ءبىلىم بەرەتىن پاندەر بويىنشا وقۋشىلاردىڭ رەسپۋبليكالىق وليمپياداسىنىڭ قورىتىندى كەزەڭىن تولىق ناتيجەلەۋ ءۇشىن ەلىمىزدىڭ 100 ۇزدىك وليمپيادالىق مەكتەپتەر رەيتينگى جاسالدى.

بۇل تۋرالى قازاقپارات وقۋ- اعارتۋ مينيسترلىگىنە سىلتەمە جاساپ حابارلايدى.

ۇزدىك وليمپيادالىق مەكتەپ اتانۋ ءۇشىن رەسپۋبليكا بويىنشا 314 ءبىلىم ورداسى باق سىناستى. وليمپيادا قورىتىندىسى بويىنشا 1-ورىندى 4 مەكتەپ، 2-ورىندى 9 مەكتەپ، 3-ورىندى 14 مەكتەپ يەلەندى. رەيتينگ ارنايى فورمۋلا بويىنشا شىعارىلدى. التىن مەدال 3 بالعا، كۇمىس - 2 بالعا جانە قولا - 1 بالعا باعالانادى.