دالادا وتىر. قازاقستاندىق جۋرناليست تۇركياعا 100 كيىز ءۇي جىبەرۋدى ۇسىندى
بۇل تۋرالى جۋرناليست Facebook-پاراقشاسىندا ايتتى.
«تۇركياعا 100 شاقتى كيىز ءۇي جىبەرسەك؟ ءزىلزالادان ۇيلەرى قيراپ قالعان حالىق اشىق دالادا وتىر. سالماعى جەڭىل، قۇلامايتىن كيىز ءۇي - شوشىنىپ وتىرعان بۇقاراعا پسيحيكالىق قاتەرسىزدىك كوڭىل كۇي سىيلار ەدى»، - دەيدى جۋرناليست.
جۋرناليستىڭ ۇسىنىسىن تانىمال قازاقستاندىقتار دا قولداعان. ونىڭ ىشىندە ءانشى ساكەن مايعازيەۆ تا قولداۋ ءبىلدىردى.
«نۇربەك بەكباۋ باۋىرىمىز، ارمان شورا تاعى باسقا اتقامىنەرلەرمەن اقىلداسىپ يگى شارا قولعا الىندى. تۇركياداعى الاپات جەر سىلكىنىستەن ۇيلەر قيراپ، ءبىراز كىسى وپات بولدى. امان قالعان تۋىسقان تۇرىك اعايىندارىمىز شيەتتەي بالا-شاعاسىمەن اشىق الاڭداردا، سۋىق دالادا ءجۇر. بوي جىلىتۋعا، ۇيگە كىرۋدەن قورقىپ وتىر. وسى ساتتە، قازاق جۇرتى بوپ، جۇزدەگەن كيىز ءۇي جىبەرسەك. سۇيەگى جەڭىل، قۇلامايتىن كيىز ءۇي - ءزىلزالادان جۇرەگى شايلىعىپ قالعان بۇقارا پسيحيكاسىنا قاۋىپسىزدىك كوڭىل كۇي بەرەدى. ەڭ باستىسى، اتا جۇرتتان كەلگەن كومەكتى سەزىنەر ەدى. الىستا بولساق تا، تۋىسقان جۇرتتى جالعىز قالدىرمايتىنىمىزدى سەزىنەر ەدى»، - دەپ جازدى ءانشى Instagram-پاراقشاسىندا.