فۋتبولدان الەم چەمپيوناتىنا ارنالعان 100 تەڭگەلىك مونەتا شىقتى
مونەتالار قازاقستان ۇلتتىق بانكى، قازاقستان مونەتا سارايى مەن MDM نەمىس نۋميزماتيكا كومپانياسى اراسىنداعى ءۇشجاقتى كەلىسىم اياسىندا شىعارىلدى. ساتىلىمعا تۇسەتىن داتانى ۇلتتىق بانك قوسىمشا حابارلايتىن بولادى.
FIFA WORLD CUP QATAR 2022 مونەتالارىنىڭ ديزاينىن FIFA حالىقارالىق فۋتبول فەدەراتسياسى بەكىتكەن. شاقادا رەلەفتى ورتاشا دەڭگەيدە التىنمەن جالاتۋ بويىنشا جاڭا تەحنولوگيا قولدانىلىپ وتىر. ول مونەتالىق وندىرىستە العاش رەت پايدالانىلدى جانە دوپتىڭ كولەمىن ءبولىپ كورسەتۋگە مۇمكىندىك بەرەدى.
كوللەكتسيالىق مونەتالار التىن جالاتۋ تەحنولوگياسى قولدانىلا وتىرىپ، 925/1000 سىنامالى كۇمىستەن جاسالدى. ماسساسى 20 گرام، ديامەترى 37 م، نومينالى 100 تەڭگەلىك، جالپى تارالىمى 4 مىڭ دانا. ىشكى نارىق ءۇشىن تارالىمى - 3650 دانا، سىرتقى نارىق ءۇشىن - 350 دانا.
شاقالار قازاقستاننىڭ بۇكىل اۋماعىندا ءوزىنىڭ بەلگىلەنگەن قۇنىمەن تولەمنىڭ بارلىق ءتۇرى بويىنشا قابىلدانۋعا جاتادى.
