قازاق دالاسىنداعى اشارشىلىق: 100 وتباسىنىڭ تاريحى ەنگەن كىتاپ تانىستىرىلدى
باسىلىمدا بۇرىن جاريالانباعان مۇراعات ماتەريالدارى مەن اشارشىلىق كۋاگەرلەرىنىڭ ەستەلىكتەرى جيناقتالعان، دەپ حابارلايدى قازاقپارات ءتىلشىسى.
تاريحشىلار مەن فيلولوگتار ءبىر جىلدان استام ۋاقىت ەڭبەك ەتكەن. «جوبانىڭ ماقساتى مۇراعاتتىق قۇجاتتاردى، سونداي- اق سول قايعىلى كەزەڭدەر تۋرالى اڭگىمەلەر ساقتالعان وتباسىلاردىڭ ەستەلىكتەرى مەن سۇحباتتارىن جيناۋ بولدى. جينالعان ماتەريالدار قاراعاندى وبلىسىنداعى ستاليندىك ۇجىمداستىرۋ سالدارىنىڭ تولىق كورىنىسىن قالىپتاستىردى»، - دەيدى باسىلىمدى قۇراستىرۋشىلاردىڭ ءبىرى، فيلولوگيا عىلىمدارىنىڭ كانديداتى لاريسا حاريتونوۆا.
مۇنداي ۇلكەن زەرتتەۋ العاش رەت ايماقتىق بولىمدە جۇرگىزىلدى. تاريحشىلاردىڭ قاجىرلى ەڭبەگىنىڭ ارقاسىندا 90 نان استام مۇراعاتتىق قۇجاتتار تابىلدى. ولاردىڭ %80 استامى بۇرىن جاريالانباعان. ءوز كەزەگىندە فيلولوگتار دالالىق ىزدەۋمەن اينالىستى. بۇل مىندەت وڭاي بولعان جوق. وقيعالاردىڭ تىكەلەي كۋاگەرلەرى دۇنيەدەن وزعان. ءبىراق عالىمدار ولاردىڭ بالالارىمەن جانە نەمەرەلەرىمەن سويلەسە الدى.
جيناققا اشارشىلىقتى باستان كەشكەن 100 وتباسىنىڭ تاريحى كىردى. كىتاپ قازاق جانە ورىس تىلدەرىندە 100 دانا تارالىممەن شىقتى. باسىلىم عالىمدارعا جانە قازاقستان تاريحىنا قىزىعۋشىلىق تانىتقاندارعا ارنالعان. رەسپۋبليكا كىتاپحانالارىنا تاپسىرۋ جوسپارلانۋدا. سونداي- اق جيناقتى قارۋ باسپاسىنان ساتىپ الۋعا بولادى.
