13:05, 11 - تامىز 2021 | GMT +6
اسقار مامين ءبىلىم ۇيىمدارىنىڭ وقۋ جىلىنا 100 پايىز دايىن بولۋىن تاپسىردى
نۇر-سۇلتان. قازاقپارات - بارلىق ءبىلىم بەرۋ ۇيىمى وقۋ جىلىن باستاۋعا 100 پايىز دايىن بولۋى ءتيىس. بۇل تۋرالى ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«مەكتەپتەردە جوندەۋ جۇمىستارىن ۋاقىتىندا اياقتاۋ قاجەت. ماسەلەن، جوندەۋ جۇمىستارى اياقتالماعان مەكتەپتەردىڭ ەڭ كوبى الماتى وبلىسىندا - 9 مەكتەپ، ودان كەيىن قوستاناي وبلىسىندا - 6، باتىس قازاقستان وبلىسىندا - 5. اكىمدەرگە قويىلاتىن مىندەت - بارلىق ءبىلىم بەرۋ ۇيىمدارى وقۋ جىلىن باستاۋعا 100 پايىز دايىن بولۋى ءتيىس. بالالاردىڭ قاۋىپسىزدىگى، تاماقتاندىرۋ جانە مەكتەپكە جەتكىزۋ بويىنشا بارلىق ماسەلەلەر شەشىمىن تابۋى كەرەك»، - دەدى اسقار مامين. سونىمەن قاتار ۇكىمەت باسشىسى كوللەدجدەردى بيزنەستىڭ باسقارۋىنا بەرۋ تۋرالى ۇسىنىستى قولدايتىنىن ايتتى. «بۇل باعىت تۇركىستان وبلىسىندا جاقسى دامىعان، وسى تاجىريبەنى پايدالانۋعا بولادى»، - دەدى پرەمەر- مينيستر.