قازاقستاندا وقۋ جىلى باستالعالى بەرى 100 دەن استام وقۋشى كوروناۆيرۋس جۇقتىرعان
«وقۋ جىلى باستالعالى بەرى وقۋشىلار اراسىندا كوروناۆيرۋس ينفەكتسياسىن جۇقتىرۋدىڭ 104 جاعدايى تىركەلدى. ونىڭ 33 ءى كەزەكشى سىنىپتاردا وقيتىن بالالار. ولارمەن قارىم- قاتىناستا بولعان 550 ادام انىقتالىپ، ونىڭ ىشىندە 7 ادامنان كوروناۆيرۋس انىقتالدى. 71 بالا - قاشىقتان وقىپ ءجۇرىپ جۇقتىرىپ العان وقۋشىلار. ولارمەن قارىم- قاتىناستا بولعان 240 ادام انىقتالىپ، ىشىنەن 15 ادامنىڭ ىندەتتى جۇقتىرعانى بەلگىلى بولدى»، - دەدى الەكسەي سوي ۇكىمەت وتىرىسىندا.
ءمينيستردىڭ ايتۋىنشا، ەگەر وقۋشىلاردىڭ ءبارى دە جاڭا وقۋ جىلىندا وفلاين رەجيمدە وقۋىن باستاپ كەتسە كوروناۆيرۋس جۇقتىرعان بالالارمەن قارىم- قاتىناستا بولعان ادامداردىڭ سانى 1500 دەن اسىپ، بۇل جاعداي وقۋشىلاردىڭ، مەكتەپ پەرسونالى مەن اتا- انالاردىڭ جاپپاي ىندەت جۇقتىرۋىنا اكەلىپ سوعار ەدى. وسىعان بايلانىستى الەكسەي سوي ايماق باسشىلارىنان كوروناۆيرۋس ينفەكتسياسىنىڭ تارالۋىن بولدىرماۋ ءۇشىن قاجەتتى شارالاردىڭ ءبارىن دە قابىلداۋدى ءوتىندى.