قىتايدا ءتورت كۇندە ىشكى تۋريستىك ساپارلار 100 ميلليوننان استى

بەيجىڭ. قازاقپارات - قىتايدا ەڭبەك كۇنىنە وراي بەسكۇندىك مامىر مەرەكەسىنىڭ العاشقى ءتورت كۇنىندە ىشكى تۋريستىك ساپارلار سانى 104 ميلليون بولدى، دەپ حابارلايدى قازاقپاراتتىڭ مەنشىكتى ءتىلشىسى.

ق ح ر مادەنيەت جانە تۋريزم مينيسترلىگىنىڭ حابارلاۋىنشا، وسى ۋاقىت ارالىعىندا ىشكى تۋريزمنەن تۇسەتىن كىرىس 43,23 ميلليارد يۋانعا (شامامەن 6,13 ميلليارد ا ق ش دوللارى) جەتتى. شەكتەۋلەر ەنگىزىلۋىنە بايلانىستى قىتايدىڭ تانىمال كورىكتى جەرلەرىنە كەلۋشىلەردىڭ جالپى سانى وتكەن جىلعى كورسەتكىشتەردەن از.

ايتا كەتسەك، 2019 -جىلى مامىرداعى مەرەكەنىڭ ءتورت كۇنىندە قىتاي تۇرعىندارىنىڭ جاساعان ىشكى تۋريستىك ساپارلارىنىڭ سانى 195 ملن بولاتىن. وتكەن جىلدىڭ مامىر ايىنىڭ دەمالىس كۇندەرىندەگى تۋريزمنەن تۇسكەن تابىس 17,48 ميلليارد قىتايدا مامىر مەرەكەسى كۇندەرى ەڭ جوعارى ساناتتاعى 5ا دەڭگەيدەگى 8,5 مىڭ تۋريستىك نىسان اشىلدى، بۇل ولاردىڭ

جالپى سانىنىڭ %70 ىن قۇرايدى.

«مامىر مەرەكەسىنىڭ العاشقى كۇنىندە كەيبىر تۋريستىك نىساندار لىق تولدى، كەلۋشىلەر ءتىپتى، ماسكا داكيگەن جوق»، - دەدى ق ح ر دەنساۋلىق ساقتاۋ ىستەرى جونىندەگى مەملەكەتتىك كوميسسيانىڭ رەسمي وكىلى مي فەن.

وسىعان بايلانىستى قىتاي شەنەۋنىگى حالىق كوپ جينالاتىن جەرلەردە ماسكا كيۋ جانە گيگيەنا ەرەجەلەرىن ساقتاۋ قاجەتتىلىگىن تاعى دا ەسكە سالدى .

ەسكە سالا كەتەيىك، كەشە ق ح ر-داعى ءىرى ونلاين- تۋريستىك قىزمەت وپەراتورى Trip.com بيىلعى جىلدىڭ 1-5-مامىر ارالىعىندا 80 ميلليونعا جۋىق ادام ەلگە ساياحات جاساۋعا جينالعانىن حابارلاعان بولاتىن. قىتايدا ەڭ تانىمال، ادامدار كوپ بارعان باعىتتار - بەيجىڭ مەن شاڭحاي.