استاناعا ءبىر جىلدا 100 مىڭعا جۋىق قىتايلىق تۋريست كەلگەن
ەلوردامىز قارقىندى دامىپ، تۋريزم ورتالىعىنا اينالدى. سالا ماماندارىنىڭ ايتۋىنشا، بۇعان استانادا ءجيى ۇيىمداستىرىلاتىن اۋقىمدى شارالار مەن فورۋمدار ءوز سەپتىگىن تيگىزسە كەرەكتى. ەڭسەلى ەلوردامىزدىڭ تۋريستەر اراسىندا تارتىمدىلىعىن تاعى قالاي ارتتىرۋعا بولادى؟
ءسانميرا سەيىلحان قىزى بىرنەشە جىل بويى استانادا ەكسكۋرسيا جەتەكشىسى بولىپ جۇمىس ىستەيدى. قىتاي ءتىلىن جەتىك مەڭگەرگەن ول ۇنەمى اسپاناستى ەلىنەن كەلگەن قوناقتاردى قارسى الىپ، ەلوردا تاريحىمەن تانىستىرادى.
«استانا - الەمدەگى ەڭ جاس قالا، جاس استانا. سول ارقىلى ءسوزدى باستايمىز كۇتىپ العاندا. استانانىڭ تاريحىن، بەت بەينەسىن قىزىعىپ تىڭدايدى. 131 ۇلت بىرگە تۇرىپ، سونشالىقتى ىنتىماقتا ەكەندىگىمىز، پرەزيدەنتىمىزدى جاقسى كورەتىندىگىمىز ولاردى وتە قىزىقتىرادى. قوعامى ورنىقتى ەلگە، ارينە، قايتا قايتا كەلگىسى كەلەدى. كىتاپحانا، پرەزيدەنت كىتاپحاناسى، بايتەرەك اڭگىمەسى قىزىقتىرادى»، - دەيدى ەكسكۋرسيا جەتەكشىسى ءسانميرا سەيىلحان قىزى.
بىلتىردىڭ وزىندە كورشى مەملەكەتتىڭ 100 مىڭعا جۋىق ازاماتى استانامىزدى كورۋگە ارنايى كەلگەن. سونداي-اق ەلوردانىڭ تىنىس-تىرشىلىگى جانە كورىكتى جەرلەرى رەسەي، گەرمانيا، ا ق ش ەلدەرىنىڭ تۋريستەرىن دە قىزىقتىرادى. 2020 -جىلعا دەيىن قالا اكىمدىگى شاھار قوناقتارىنىڭ سانى 2 ميلليونعا جەتەدى دەپ جوسپارلاپ وتىر.
«20 جىلدىڭ ىشىندە استانامىز ۇلكەن دارەجەگە جەتتى. تۋريستىك ينفراقۇرىلىم، ترانسپورتتىق، لوگيستيكالىق جىلدان جىلعا دامىپ تۇر. نارىقتا ۇلكەن قوناقۇيلەر بار. شەتەلدىك بايلانىستار نىعايىپ جاتىر. 70 شاقتى مەملەكەتپەن ۆيزاسىز رەجيم ۇيىمداستىرىلدى. قىتايمەن تۋريستىك قارىم-قاتىناستى نىعايتۋ جۇمىستارىن جۇرگىزىپ جاتىرمىز. 14 -ماۋسىمدا قازاق ءتۇنى مەرەكەلىك شاراسىن وتكىزەمىز . قاززاقستاننىڭ تاريحىن، مادەنيەتىن، شەتەلدىك تۋريستىك كومپانيالارعا كورسەتەمىز»، - دەپ اتاپ ءوتتى ەلوردالىق تۋريزم قاۋىمداستىعىنىڭ پرەزيدەنتى ايگەرىم مۇحامەدجانوۆا.
قازىر استانادا ەكسكۋرسيا جۇرگىزەتىن 65 گيد بار. تۋريزم قاۋىمداستىعى ولاردىڭ رەەسترىن جاساپ، ماماندارعا بارىنشا جاردەم بەرىپ كەلەدى. قازىر ولار ارنايى كۋالىك الىپ، بارلىق تۋريستىك نىساندارعا اقىسىز كىرە الادى. جەرگىلىكتى گيدتەر قالا قوناقتارىنا ەكسكۋرسيانىڭ 10-12 ءتۇرىن ۇسىنۋعا ءازىر.
«بىزدە 5 ساعاتتىق ەكسكۋرسيالار بار. كەيدە تۋريستەر استانانى كۇنى بويى ارالاعىسى كەلەدى. ارينە، كوبى EXPO مۇراجايىن كورۋگە اسىق. قازاق حالقىنىڭ تاريحى ەشكىمدى بەيجاي قالدىرمايدى. ءبىز مەيمانداردى ۇلتتىق مۋزەيدەگى كيىز ءۇيدى كورۋگە الىپ بارامىز. تۋريستەردىڭ باسىم بولىگى ەلوردامىزدىڭ قىسقا مەرزىم ىشىندە سونشالىقتى ادەمى ءارى دامىعان قالاعا اينالعانىنا تاڭعالىپ جاتادى»، - دەدى تۋريستىك كومپانيا ديرەكتورى ايسۇلۋ ىرگەبايەۆا.
سوڭعى ۋاقىتتا تەك كاسىبي ماماندار عانا ەمەس، قالا تۇرعىندارىنىڭ ءوزى دە شاھارداعى تۋريزمدى دامىتۋعا اتسالىسىپ جاتىر. جاستار شەتەلدە كەڭىنەن تاراعان تاجىريبەنى وسىندا ەنگىزىپ، ءوز باسپانالارىن شەتەلدىك قوناقتارعا تەگىن بەرىپ ءوزارا الماسا الادى.
