قازاقستاندىقتار «قازاقستاننىڭ جاڭا 100 تۇلعاسى» جوباسىنا ءوتىنىش بەرىپ جاتىر
ولار ەلوردا تۇرعىندارى مەن قوناقتارىنان ەڭبەك جولى ەرەكشە ازاماتتار تۋرالى ماتەريالدار جيناۋدا. ارنايى ۇيىمداستىرىلعان اكتسيا بارىسىندا ءتيىستى ءوتىنىش جوباسى دايىندالدى. ونى تولتىرعان ادامدار اۆتوماتتى تۇردە جوبانىڭ قاتىسۋشىسى اتانادى.
وسى ۋاقىتتا 100 گە جۋىق ادامنىڭ ەرەكشە ەڭبەك جولى تۋرالى مالىمەتتەر جينالدى. ولاردىڭ ۇزدىكتەرى كەيىنىرەك تاڭداپ الىنىپ، 100esim.el.kz سايتىندا جاريالانادى.
وسى رەتتە ايتا كەتەتىن ماسەلە، بۇگىنگى تاڭدا سايتقا 1900 دەن استام ءوتىنىش ءتۇستى. ولاردىڭ 1000 ى پورتالدا جاريالانىپ تا ۇلگەردى. جوباعا قاتىسۋ ءۇشىن ءوتىنىش بەرۋ بيىلعى جىلدىڭ قىركۇيەگىندە اياقتالادى.
«ءبىزدى قۋانتىپ وتىرعانى وتىنىشتەر كوبىنە وڭىرلەردەن كەلىپ جاتىر. «بايتەرەك» مونۋمەنتىنە كەلۋشىلەر ەلىمىزدىڭ بارلىق ايماقتارىن قامتيدى. سوندىقتان وتىنىشتەردىڭ اۋقىمى وتە كەڭ. بۇل جوباعا ءوزىنىڭ قايدان كەلگەندىگىنە جانە قوعامداعى الەۋمەتتىك مارتەبەسىنە قاراماستان كەز كەلگەن ادامنىڭ مۇشە بولا الاتىندىعىنىڭ تاعى ءبىر جارقىن دالەلى. ال ءبىز ءوزىمىزدىڭ تاراپىمىزدان بۇگىنگى كۇنگە دەيىن كەلىپ تۇسكەن وتىنىشتەردىڭ بارلىعىنىڭ وڭدەلىپ، 100esim.el.kz. سايتىنا ورنالاستىرىلاتىندىعىنا سەندىرگىمىز كەلەدى. ازاماتتاردىڭ ەڭبەك جولدارى تۋرالى تولىق مالىمەتتەردى ءبىلۋ ءۇشىن بىزدە ولاردىڭ بايلانىس نومىرلەرى بار»، - دەدى اكسيانى ۇيىمداستىرۋشىلاردىڭ ءبىرى EL. KZ پورتالىنىڭ جاۋاپتى حاتشىسى ولەگ ريابچەنكو.
ەل ازاماتتارىنىڭ ءومىر جولى مەن تاريحىنا قالىڭ كوپشىلىكتىڭ نازارىن اۋدارۋ ءۇشىن ەلباسى نۇرسۇلتان نازاربايەۆ «قازاقستاننىڭ جاڭا 100 تۇلعاسى» جوباسىن ىسكە قوسۋدى ۇسىنعان بولاتىن. بۇل باستاما باستى ءۇش ماسەلەنى شەشۋگە باعىتالعان. بىرىنشىدەن، ءوزىنىڭ ەڭبەگىمەن، كۇشىمەن تاۋەلسىز قازاقستاندى قالىپتاستىرۋعا ۇلەس قوسقان ازاماتتاردى قالىڭ كوپشىلىككە تانىتۋ جانە وسى ىسكە اقپاراتتىق قولداۋ كورسەتۋ. «100 تۇلعانىڭ» تەك جالپىۇلتتىق قانا ەمەس، وڭىرلىك جوباسىن دا قالىپتاستىرۋ.
جوباعا قاتىسۋ ءۇشىن ءوتىنىشتى قالاي بەرۋ كەرەك؟ ەگەر ءسىز ءومىرى مەن ەڭبەك جولى قاتتى قىزىقتىرعان ازاماتتى بىلەتىن بولساڭىز نەمەسە ءسىزدىڭ ءوزىڭىز سونداي ازاماتتاردىڭ ءبىرى بولساڭىز سىزدە ءومىر تاريحىڭىزدى وزگەلەرمەن ءبولىسۋ مۇمكىندىگى بار. ول ءۇشىن 100esim.el.kz سايتىنا كىرىپ، ارنايى پاراقشانى تولتىرۋ كەرەك.
