ەۋروپا مادەنيەتى نەگە 100 جىلعا العا دامىپ كەتتى؟

استانا. قازاقپارات - ەۋرازيا (ەۆرازيا)-  ەكى بىردەي قۇرلىقتى بىرىكتىرىپ جاتقان ماتەريك. جەر پلانەتاسىنداعى ەڭ ۇلكەنى دە -  وسى.

ءبىرى -  ەۋروپا، ءبىرى -  ازيا. ەكى قۇرلىق ءبىر- بىرىمەن تۇتاسىپ جاتقانىمەن، ەكەۋىنىڭ مادەنيەتى، دامۋى، ەكونوميكاسى جەر مەن كوكتەي. ەۋروپا، ازيا تۇگىلى الەمدە بارلىق وركەنيەتتەن 100  جىلعا العا دامىپ كەتكەن. نەگە؟

ەڭ ءبىرىنشى سەبەپ، گەوگرافيالىق ورنالاسۋى. ەۋروپاداعى مەملەكەتتەر ءبىر- بىرىنە جاقىن ءارى كورشى ورنالاسقان. ءوزارا باسەكەلەستىك، ءوزارا تاجىريبە الماسۋ كوپ. ءبىلىم سالاسى، مادەنيەتى جاعىنان الساڭىز دا كەرەمەت. فۋتبولدىڭ دا اعىلشىنداردىڭ اراسىندا جاقسى دامۋى، ەۋروپادا الەمدەگى ەڭ مىقتى فۋتبول كلۋبتارىنىڭ بارلىعى دا وسىدان. ودان بولەك ەۋروپانىڭ گەوگرافيالىق ورنالاسۋى وتە ماڭىزدى جاعدايدا قالىپتاسقان. ياعني ساياحاتشىلار ارقىلى ەلدىڭ ەكونوميكاسىن كوتەرۋ ماقساتىندا ءتۇرلى جاعداي جاسالعان. ءبىر جەرورتا تەڭىزى مەن قارا تەڭىزدىڭ جاعالاۋىندا ورنالاسقان ەلدەردىڭ ءوزى- اق تىكەلەي حالىقارالىق ىنتىماقتاستىقتى مادەنيەت ارقىلى، ادامداردىڭ دەمالۋى ارقىلى قالىپتاستىرىپ وتىر. ءاربىر ەل ىشكى تۋريزم ماسەلەسىن جاقسى دامىتىپ العان.

ەكىنشىدەن، ەڭ مىقتى تۇلعالاردىڭ قالىپتاسۋى جانە ەڭ مىقتى وركەنيەتتىڭ بولۋى دا اسەر ەتتى. ەۆرەي جۇرتىنىڭ اقىلدىلىعى مەن ناپولەون، گيتلەر سىندى مىقتى قولباسشىلاردىڭ ءومىر ءسۇرۋى. ۇشىنشىدەن، اسكەري تەحنيكالار مەن حالىقارالىق دەڭگەيدەگى بارلىق قاۋىمداستىقتىڭ شتاب- پاتەرلەرىنىڭ وسىندا ورنالاسۋى. ەۋروپا، سونىڭ ىشىندە انگليا، فرانسيا، تۇركيا، يسپان اسكەري كۇشتەرى الەمنىڭ ەڭ ۇزدىكتەرىنىڭ قاتارىنا كىرەدى. ب ۇ ۇ سىندى ءتۇرلى قاۋىمداستىق پەن ۇيىمداردىڭ وسىندا بولۋى جان- جاعىنداعى ەلدەردىڭ قارقىندى دامۋىنا اسەرىن تيگىزدى. وسىنىڭ ىشىنە ساكۇ- نى (ناتو) قوسا كەتۋ كەرەك. قازىر دەمالۋ ءۇشىن، ءبىلىم الۋ ءۇشىن، مادەنيەتارالىق بايلانىس ورناتۋ ءۇشىن ەڭ ءبىرىنشى ەۋروپاعا باراسىز. ەۋروپا -  الەمدىك دەڭگەيدەگى برەندكە اينالىپ كەتكەن قۇرلىق. سوندىقتان ونىڭ مادەنيەتى 100 -جىلعا الدا. ءتىپتى كىشكەنتاي عانا اۋماقتى الىپ جاتقان  ۇلىبريتانيا الىپ ايداھارلى قىتاي ەلىن كەزىندە ەسىرتكىمەن جاۋلاپ العانىن بىلەسىز بە؟ شاعىن عانا گەرمانيا الىپ ك س ر و- عا سوعىس اشتى. ناپولەون باستاعان جاساق ماسكەۋدى وتقا ورادى. جەر بەتىندەگى ەڭ باي ادامداردىڭ دا كوبىسى وسىندا. تەگىندە الاشوردانىڭ كوسەمدەرى شىعىستان گورى باتىسقا ەلىكتەۋ كەرەكتىگىن، سولارعا قاراي بەت تۇزەۋ كەرەكتىگىن ايتسا كەرەك. ال قازىر شىعىس ەلدەرىندە ەۋروپالىق مادەنيەتپەن ءومىر ءسۇرىپ وتىرعان جالعىز ەل بار. ول -  جاپونيا.

 

Massaget.kz