07:50, 02 - ناۋرىز 2017 | GMT +5
سوزاقتا العىس ايتۋ كۇنىنە وراي 100 وتباسىعا تەگىن كيىمدەر تاراتىلدى
استانا. قازاقپارات - وڭتۇستىك قازاقستان وبلىسىنىڭ سوزاق اۋدانىندا العىس ايتۋ كۇنىنە وراي اۋداندىق جاستار رەسۋرستىق ورتالىعى اكسيا ۇيىمداستىردى.
بۇل تۋرالى وبلىس اكىمىنىڭ باسپا ءسوز قىزمەتى حابارلادى. اكسيا بارىسىندا اۋدان اكىمى م. يسايەۆ بارشا جينالعانداردى العىس ايتۋ كۇنىمەن قۇتتىقتاپ، الەۋمەتتىك جاعدايى تومەن 20 جانۇياعا 10 مىڭ تەڭگەدەن اقشالاي سىيلىق تابىستادى.
اكسيا اياسىندا از قامتاماسىز ەتىلگەن 100 وتباسىعا تەگىن 700 كيىم تاراتىلىپ بەرىلدى. كوپ بالالى انا قالمىرزايەۆا جەڭىسكۇل: «وسىنداي يگى ءىستى ۇيىمداستىرىپ وتىرعان اۋدان باسشىلىعىنا راحمەت. بالالارىمىزعا قاجەتتى كيىمدەردى الدىق. بۇل اكتسيا جىلدا جالعاسادى دەگەن ۇمىتتەمىن. ءبارى ءۇشىن راحمەت»، - دەدى. اكسياعا اۋداندىق مەكەمەلەر مەن كاسىپكەرلەر بەلسەنە قاتىسقانىن اتاپ ءوتۋ كەرەك. مۇنداي يگى شارا سوزاق اۋدانىندا بىلتىردان بەرى جالعاسىپ كەلەدى.
