قازاقستانداعى وزەندەردە بيىل 100 مىڭنان استام جولاۋشى تاسىمالداندى
تاسىمالداۋشىلاردىڭ اقپاراتى بويىنشا بيىل ناۆيگاتسيا كەزەڭىندە وزەن كولىگىمەن 1,3 ميلليون تونناعا جۋىق ءار ءتۇرلى جۇك تاسىمالداندى، ونىڭ ىشىندە 160 مىڭ توننادان استام جۇك ەرتىس وزەنى ارقىلى رەسەيگە ەكسپورتتالدى.
نەگىزىنەن قۇرىلىس ماتەريالدارى، اعاش، قۇمدى-قيىرشىقتاس قوسپاسى، بالىق ونىمدەرى جانە ت. ب جۇك تاسىمالداندى. سونىمەن قاتار، بيىل كەمە كولىگىمەن 100 مىڭنان استام جولاۋشى تاسىمالدانعان، بۇل وتكەن جىلعى كورسەتكىشتەن %80 ارتىق.
قازىرگى ۋاقىتتا قازاقستاننىڭ كەمە قاتىنايتىن سۋ جولدارىندا كەمە ءجۇرىسى توقتادى. كەمە قاتىناسىنىڭ قاۋىپسىزدىگىن ارنايى مەملەكەتتىك كاسىپورىندار قامتاماسىز ەتتى. مەملەكەتتىڭ تاپسىرماسىنا سايكەس، 3700 دەن استام ناۆيگاتسيالىق بەلگى قويدى، 2500 مىڭ. 3م استام ءتۇبىن تەرەڭدەتۋ، ءتۇبىن تازارتۋ جۇمىستارى جانە باسقا جول جۇمىستارى جاسالدى.
كولىكتىك باقىلاۋ ورگاندارىنىڭ مالىمەتتەرىنە سايكەس، بيىل ناۆيگاتسيا كەزەڭىندە سۋ جولدارىن ءتيىستى دەڭگەيدە ۇستاماۋعا قاتىستى بىردە ءبىر كولىك وقيعاسى تىركەلمەگەن.
ايتا كاەتەرلىگى، كەمە قاتىناسى ەرتىس، ىلە-بالقاش جانە جايىق-كاسپي باسسەيىندەرىندە جۇزەگە اسىرىلادى. كەمە قاتىناسى ۋچاسكىلەرىنىڭ جالپى ۇزىندىعى 4040,5 كيلومەترگە جۋىق. 2016-جىلعى 1- قاراشاعا دەيىن قازاقستان رەسپۋبليكاسىنىڭ كەمە تىزىلىمىندە 783 وزەن كەمەسى جانە 28,7 مىڭعا جۋىق شاعىن كولەمدى كەمە تىركەلگەن. پاۆلودار جانە اتىراۋ وبلىستارىندا تيەپ-ءتۇسىرۋ مۇمكىندىگى 1,5 ميلليون توننادان اساتىن ەكى وزەن فلوتى جۇمىس ىستەيدى.
