قىزىلوردادا ون ۇستاز 100 مىڭ تەڭگەدەن سىياقى الدى - فوتو
سالتاناتتى شارا بارىسىندا قالا اكىمى ن. نالىبايەۆ بارلىق ۇستازدار قاۋىمىن مەرەكەلەرىمەن قۇتتىقتاپ، قالا بويىنشا ءبىلىم سالاسىنداعى جەتىستىكتەرگە كەڭىنەن توقتالدى.
- قىزىلوردا قالاسى ايماعىمىزدىڭ تەك ساياسي جانە اكىمشىلىك، مادەني ورتالىعى عانا ەمەس، ءبىلىم مەن عىلىمنىڭ وشاعى. سەبەبى ءبىلىم - قالادا! قازاقىلىقتىڭ قاينارى، الاشتىڭ اقمەشىتى اتانعان بۇل قالا، كەشەگى وتكەن الاش قايرەتكەرلەرى مەن ۇلت زيالىلارىنىڭ باسىن قوسقان كيەلى مەكەن، قازاق تاريحىنداعى تالاي باستامالار مەن تىڭ جاڭالىقتاردىڭ قاسيەتتى ورداسى. وسىلاردىڭ ىشىندەگى ەڭ ماڭىزدىسى، قازاق حالقىنىڭ ءبىلىم بەرۋ سالاسىنداعى تاريحي جاڭالىعىنىڭ دا العاشقى كۋاسى ءبىزدىڭ قالا.
1929 -جىلى قىزىلوردادا وتكەن كونفەرەنسيادا كورنەكتى عالىم، اعارتۋشى احمەت بايتۇرسىنوۆ قازاق حالقىنا، ءوزىنىڭ الفاۆيتىمەن بىرگە حالقىنىڭ ساۋاتىن اشۋ ءۇشىن جاساعان زور ەڭبەگىن العاش بولىپ وسى كيەلى توپىراقتا جاريا ەتتى.
سول كەزدەن باستاپ قازاق حالقى سان عاسىر قولدانىپ كەلگەن اراب جازۋىنان جاڭا جازۋ - لاتىن قارپىنە اۋىستى.
سول سەبەپتى، قىزىلوردا - قازاقتىڭ العاشقى ساياسي استاناسى عانا ەمەس، تۇتاس حالقىمىز ءۇشىن ءبىلىمنىڭ قارا شاڭىراعى دەۋگە تولىق نەگىز بار، - دەيدى قالا اكىمى.
سالتاناتتى شارادا، ءبىرقاتار ۇستازدار ق ر ءبىلىم جانە عىلىم ءمينيسترىنىڭ قۇرمەت گراموتاسى، العىس حاتتارىمەن ماراپاتتالسا، قالا اكىمى ءبىلىم سالاسىندا ەڭبەگىمەن ەلەنگەن 10 مۇعالىمدى 100 مىڭ تەڭگە سىياقى جانە العىس حاتتارمەن ماراپاتتادى.
وسى ايتۋلى مەرەكە قارساڭىندا مۇعالىمدەر اراسىندا وتكىزىلگەن كىشى فۋتبول ءتۋرنيرىنىڭ جانە ەستافەتالىق جارىستاردىڭ جەڭىمپازدارى اتانعان ەكى كوماندا 100 مىڭ تەڭگەدەن ماراپاتتالسا، 2 -ورىن العان ەكى كوماندا - 70 مىڭ، 3 -ورىن العان ەكى كوماندا - 50 مىڭ تەڭگەدەن سىياقى الدى.
