وڭتۇستىك قازاقستان وبلىسىندا جىل سايىن 100 توننا بال وندىرىلەدى

شىمكەنت. قازاقپارات - وڭتۇستىك قازاقستان وبلىسىنىڭ ومارتاشىلارى جىلىنا 100 توننا بال وندىرەدى، ايماق بويىنشا ومارتاشىلىقپەن اينالىساتىن 1200 شاعىن، ورتا جانە ءىرى كومپانيالار بار، دەپ حابارلادى وبلىستىق اكىمدىكتىڭ باسپا ءسوز قىزمەتى.
None
None

ولار جىلىنا 100 توننا بال وندىرەدى. ومارتاشىلىقتى دامىتۋ ءۇشىن مەملەكەت قارجىلىق قولداۋ كورسەتىپ جاتىر. بيىلعى جىلى 3 مىڭ ۇياشىققا 9570,0 مىڭ تەڭگەدەن قارجى ءبولۋ جوسپارلانعان. قارجىلىق قولداۋدى «ىرىس» ميكروقارجىلىق ورتالىعى دا جۇزەگە اسىرۋدا، ولار «ەكومەد» ج ش س- نى قارجىلاندىردى. كومپانيا تومەندەتىلگەن جىلدىق مولشەرلەمەمەن 5 ميلليون تەڭگە نەسيە الدى. بۇل قاراجاتقا 480 دانا ارا ۇياشىقتارى الىندى. ولاردىڭ ءارقايسىسىنا جىلىنا 25-30 كەلى بال جينالادى.

 ودان بولەك، بيىل «ەكومەد» كاسىپورىنى اۋستريا مەن ۋكراينادان اسىل تۇقىمدى كارپات بال ارالارىن اكەلدى. ولار ەڭبەكقورلىعىمەن جانە تەز جەرسىنۋىمەن ەرەكشەلەنەدى. كومپانيا ءوز ونىمدەرىن قازاقستاننىڭ سولتۇستىك جانە وڭتۇستىك وبلىستارىنا جانە رەسەيدىڭ كەي ايماقتارىنا ەكسپورتتايدى.

سوڭعى جاڭالىقتار