ن. نىعماتۋلين: ءبىزدىڭ باستى ماقساتىمىز - «100 ناقتى قادام» ۇلت جوسپارىن تابىستى جۇزەگە اسىرۋ
بۇگىن پارلامەنت ءماجىلىسىنىڭ جالپى وتىرىسىندا پالاتانىڭ ءتوراعاسى لاۋازىمىنا كىرىسكەن نۇرلان نىعماتۋلين وسىلاي مالىمدەدى.
ءبىرىنشى كەزەكتە سپيكەر قايتادان ءماجىلىس ءتوراعاسىنا سايلاعانى ءۇشىن بارشا دەپۋتاتتىق كورپۋسقا العىسىن جەتكىزىپ، بۇل ۇلكەن مارتەبە مەن زور جاۋاپكەرشىلىك ەكەنىن اتاپ ءوتتى. «ەلباسىنىڭ جانە سىزدەردىڭ سەنىمدەرىڭىزدى اقتاۋ، ءماجىلىستىڭ جۇمىسىن ودان ءارى كۇشەيتۋ جولىندا بارلىق جيناعان ءبىلىمىم مەن تاجىريبەمدى جۇمسايتىن بولامىن»، دەدى سپيكەر.
سونىمەن قاتار، ن. نىعماتۋلين پارلامەنتتىڭ الدىنداعى ماقسات بەس ينستيتۋتتىق رەفورما اياسىنداعى «100 قادام» ۇلت جوسپارىن تابىستى جۇزەگە اسىرۋ ەكەنىن ايتىپ، ەلباسى جۇكتەگەن تاپسىرمانى ورىنداۋ بارىسىندا پالاتا ءتوراعاسى رەتىندە بارلىق فراكتسيا مەن دەپۋتاتتاردىڭ پىكىرىنە قۇلاق اساتىنىن جەتكىزدى.
«مەن پارتياارالىق ديالوگتىڭ عانا پرەزيدەنت رەفورمالارى مەن باعدارلامالارىن بىزگە جۇيەلى ءارى ساپالى قامتاماسىز ەتۋگە مۇمكىندىك بەرەتىنىنە نىق سەنىمدىمىن. وسىعان بايلانىستى الدا كۇتىپ تۇرعان كۇردەلى جۇمىستاردا بارشاڭىزدىڭ ەڭبەگىڭىزگە تابىس تىلەيمىن. دەپۋتاتتىق كورپۋستىڭ كاسىبيلىگى مەن پاتريوتتىعى ءبىزدىڭ الدىمىزعا مەملەكەت باسشىسى جۇكتەگەن مىندەتتەردى ساپالى ورىنداۋعا سەپتىگىن تيگىزەدى دەپ ويلايمىن»، - دەدى ن. نىعماتۋلين.
