استانادا 100 گە جۋىق قوعامدىق كومەكشى ماراپاتتالدى - فوتو

استانا. قازاقپارات - بۇگىن جەرگىلىكتى پوليتسيا قىزمەتىنىڭ باسشىسى باقىتجان مالىبايەۆ پوليتسياعا پارمەندى كومەك كورسەتكەن 96 ازاماتقا گراموتالار مەن اقشالاي سىيلىقتار تابىستادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.

قازىرگى كەزدە ءتارتىپ ساقشىلارىنىڭ قوعامدىق كومەكشىلەرمەن بىرلەسىپ جۇمىس ىستەۋىنە ايرىقشا كوڭىل بولىنەدى. قۇقىق قورعاۋ باعدارى بويىنشا قوعامدىق ءتارتىپتى كۇزەتۋگە 900 اسا قوعامدىق قۇرىلىم وكىلدەرى قاتىسادى، سونىڭ ىشىندە قوعامدىق كەڭەس قۇرامىنداعى 37 قۇقىق قورعاۋ ورگاندارىنىڭ ارداگەرى، 217 كونسەرج جانە پوليتسيا بولىمشەلەرى جانىنداعى قوعامدىق كومەكشىلەر، كۇزەت قۇرىلىمدارىنىڭ 343 قىزمەتكەرى، جەدەل- جاستار جاساعىنىڭ 122 مۇشەسى جانە ت. ب.

جىل باسىنان بەرى پوليتسيانىڭ قوعامدىق كومەكشىلەرىنىڭ مالىمەتى بويىنشا، 4 قىلمىس پەن 165 اكىمشىلىك قۇقىق بۇزۋشىلىق اشىلىپ، 210 ازامات ۋچاسكەلىك پوليتسيا پۋنكتىنە جەتكىزىلدى.

استانا ق. ءى ءى د جەرگىلىكتى پوليتسيا قىزمەتى ازاماتتاردى بىرلەسىپ جۇمىس ىستەۋگە شاقىرادى.