قازاقستاندا «فوككەر-100» ۇشاعىن تەحنيكالىق اكتىسىز پايدالانۋعا تىيىم سالىندى
«ق ر ي د م ازاماتتىق اۆياتسيا كوميتەتى «بەك ەير» اۆياكومپانياسىنىڭ اتىنا كومپانيانىڭ ينجەنەرلىك-اۆياتسيا قىزمەتىنىڭ باسشىسىنا شاسسيدىڭ الدىڭعى اگرەگاتتارى مەن توراپتارىن جانە شاسسيدى جيناۋ جانە شىعارۋ جۇيەسىن ءبىر رەتتىك تەحنيكالىق تەكسەرۋدى ۇيىمداستىرۋ جونىندە نۇسقاۋ جىبەردى. ءتيىستى تەحنيكالىق اكتىنى ق ر ي د م ا ا ك مەن «قاز اەروناۆيگاتسيا» ر م ك اۋە قوزعالىسىن جوسپارلاۋ باس ورتالىعىنا ۇسىنۋ قاجەت. سونىمەن قاتار كوميتەت «قاز اەروناۆيگاتسيا» ر م ك ءا ق ج باس ورتالىعىنا «فوككەر» -100» اۋە كەمەلەرىن كورسەتىلگەن تەحنيكالىق اكتىسىز ۇشۋعا جىبەرمەۋ جونىندە نۇسقاۋ بەردى»، - دەلىنگەن ق ر ي د م ازاماتتىق اۆياتسيا كوميتەتىنىڭ حابارلاماسىندا.
مالىمەتكە ساي، 2016-جىلدىڭ 27- ناۋرىزىندا استانا قالاسىنداعى حالىقارالىق اۋەجايدا «بەك ەير» اۆياكومپانياسىنىڭ «فوككەر-100» ۇشاعى تاپ بولعان اپات فاكتىسى بويىنشا ازاماتتىق اۆياتسيا كوميتەتى كەزەكتى رەيستى ورىنداۋ الدىندا وسى تەكتەس الدىن الۋ شارالارىن جۇرگىزۋدى قولعا الدى.
قازاقستاندا «فوككەر-100» ۇلگىسىندەگى ۇشاقتاردى «بەك ەير» اۆياكومپانياسى عانا پايدالانادى. ولاردا وسىنداي 8 ۇشاق بار، ونىڭ التاۋى قازاقستان اۋماعىندا ۇشادى.
