21:07, 04 - قاراشا 2015 | GMT +5
قازاقستاندىق سەگىز جاستاعى بوكسشى مينۋتىنا 100 سوققى جاسايدى - كەسكىن
استانا. قازاقپارات - پاۆلوداردىق جاس بوكسشى ەۆنيكا ءسادۋاقاسوۆا كورەرمەندەرىن ءوزىنىڭ ەرەكشە دارىنىمەن تاڭ قالدىرۋدا، دەپ جازادى «ەكسپرەسس ك».
وسى جولى ول بورەنەگە بەلسەندى سوققىلار جاسادى.
ەسكە سالساق، ەۆنيكا ەسىمى ەكى جىل بۇرىن اكەسى رۋسلان ءسادۋاقاسوۆ 3,6 ميلليون كورەرمەن جيناعان قازاقستانداعى ەڭ شاپشاڭ قيمىلدى قىز تۋرالى ۆيدەونى Youtube-قا سالعان كەزدە بەلگىلى بولعان. جاڭا روليكتەن ءسال ەسەيگەن ەۆنيكانىڭ تەحنيكاسى ودان دا جاقسارىپ، سوققىلارى جيىلەي تۇسكەنىن بايقاۋعا بولادى.
رۋسلان ءسادۋاقاسوۆ ستارتاپ قۇرىپ، كۇللى الەم بويىنشا بۇلشىق ەت رەاكسياسىن دامىتۋعا ارنالعان ترەناجەر ساتادى. ول قىزى وسى ترانجەر كومەگىمەن وسىنداي مۇمكىندىكتەرگە قول جەتكىزگەنىنە سەنىمدى. قازىر ول مينۋتىنا 10 سوققى دارىتا الادى.
اتاپ وتسەك، ەۆنيكا سپاررينگ- جەكپە-جەكتەرگە ازىرگە قاتىسپايدى. اكەسى جاس بوكسشىلاردى باستاپقى دايىنداۋ كەزىندە جەكپە-جەك وتكىزۋ قاجەت ەمەس دەپ سانايدى.
