ريو وليمپياداسىندا قازاقستان نامىسىن قورعاۋعا 100 دەن استام سپورتشى اتتانباق

استانا. قازاقپارات - «ريو-دە-جانەيرو-2016» وليمپياداسىندا قازاقستان نامىسىن 100 دەن استام سپورتشى قورعايدى دەپ بولجانۋدا.

بۇل تۋرالى بۇگىن ق ر مادەنيەت جانە سپورت ۆيتسە-ءمينيسترى ساكەن مۇسايبەكوۆ ءمالىم ەتتى.

«ءبىزدىڭ جاقىن ۋاقىتتارداعى ەڭ باستى ماقساتىمىز - 2016-جىلى برازيليادا وتەتىن وليمپيادا ويىندارى. 26 جولداما بار، جىل سوڭىنا دەيىن 35-40 جولداماعا دەيىن جەتكىزەمىز دەپ ويلاپ وتىرمىز. جالپى ريو-دە-جانەيرو-2016 وليمپياداسىندا 100 دەن استام سپورتشى قازاقستان نامىسىن قورعاۋعا اتتانادى دەپ جوسپارلاۋدامىز»، - دەدى ۆيتسە-مينيستر.

ەسكە سالا كەتەيىك، جازعى وليمپيادا ويىندارى 2016-جىلى 5- جانە 21- تامىز ارالىعىندا بولادى. ول وڭتۇستىك امەريكادا وتكەلى وتىرعان العاشقى وليمپيادا.

اۆتور: جاسۇلان جولدىبايەۆ