ق ر پرەزيدەنتىنە حات: «100 قادام» ۇلت جوسپارىنا جان-جۇرەگىمەن سەنەتىن جاندار وتە كوپ
اتاپ ايتقاندا، استانا قالاسىنىڭ ەتنو- مادەني جانە قوعامدىق بىرلەستىكتەرى «100 ناقتى قادام» جوسپارىنىڭ ءتيىمدى جۇزەگە اسىرىلاتىنىنا سەنىم بىلدىرگەن جانە بۇل شارا حالىقتىڭ تۇرمىس دەڭگەيىن كوتەرىپ، ەلدىڭ ءارى قاراي دامۋىنا جاعداي تۋعىزاتىنىن ايتقان.
«ءبىز ونى قازاقستان ءۇشىن وڭتايلى باعدارلاما دەپ ويلايمىز، ويتكەنى ول قوعامدىق- ساياسي جانە ەكونوميكالىق قىزمەتتىڭ بارلىق قىرىن قامتىپ، ەلىمىزدى جاڭا بيىكتەرگە جەتكىزەدى»، - دەپ جازادى اۆتورلار.
مەملەكەت باسشىسىنىڭ تاڭداعان دامۋ باعدارىنا ارداگەرلەر، قوعامدىق بىرلەستىكتەر مەن مادەني ورتالىقتاردىڭ مۇشەلەرى، سونداي- اق الماتى، تالدىقورعان، قاپشاعاي قالالارىنىڭ جانە الماتى وبلىسىنىڭ ءبىرقاتار اۋداندارىنىڭ تۇرعىندارى قولداۋ بىلدىرگەن. ولار «بەس ينستيتۋتسيونالدىق رەفورمانى جۇزەگە اسىرۋ جونىندەگى ۇلت جوسپارى - 100 ناقتى قادام» ەلدىڭ مۇمكىندىكتەرىنەن تۋىندايتىنىن جانە ناقتى ايقىندالعان ماقساتتارعا باعىتتالعانىن، ال بۇل ماقساتتارعا جۇيەلى قول جەتكىزۋ قازاقستاندى الەمنىڭ بارىنشا دامىعان 30 مەملەكەتىنىڭ قاتارىنا قوساتىنىن اتاپ كورسەتكەن.
«احىسكا» تۇرىك ەتنومادەني بىرلەستىگىنىڭ الماتى وبلىستىق فيليالىنىڭ ءتوراعاسى ش. اسيەۆ ەلدە ازىرلەنگەن باعدارلامالىق قۇجاتتار قويىلعان مىندەتتەردى ناقتى شەشۋ جولدارىن كورسەتەتىنىن اتاپ وتكەن.
«قازاقستاننىڭ دامۋىن الەمنىڭ بارلىق ەلدەرى كورىپ، ءتانتى بولعاندارىن جەتكىزۋدە. پرەزيدەنت ىشكى جانە سىرتقى ساياساتتى دۇرىس جۇرگىزە وتىرىپ، الەمنىڭ بارلىق مەملەكەتتەرىمەن قارىم- قاتىناستى جولعا قويا ءبىلدى. بارشاعا ارنالعان زاماناۋي مەملەكەت قۇرۋ - ستراتەگيالىق جوسپار. مەملەكەت باسشىسى ۇسىنعان «100 ناقتى قادام» جۇيەلى جۇزەگە اسىرىلاتىن جانە ەلدى گۇلدەنۋگە جەتكىزەتىن ناقتى ءىس- قيمىلعا شاقىرادى»، - دەلىنگەن حاتتا.
قولداۋ بىلدىرگەن حاتتار اتىراۋ وبلىسىنىڭ ەتنومادەني بىرلەستىكتەرى وكىلدەرىنەن دە كەلدى. «يۆەريا» گرۋزين ەتنومادەني بىرلەستىگىنىڭ جەتەكشىسى ز. بوبوحيدزە قازاقستان حالقى اسسامبلەياسىنىڭ قوعامدى ەلدىڭ باسەكەلەستىك قابىلەتىن ارتتىرۋ جانە الەمنىڭ بارىنشا دامىعان مەملەكەتتەرىنىڭ قاتارىنا قوسىلۋ جونىندەگى ورتاق ماقسات جولىندا بىرىككەن ءبىرتۇتاس حالىققا ۇيىستىرۋداعى ماڭىزدى رولىنە نازار اۋدارعان.
«قازاقستاننىڭ حالىقارالىق ارەناداعى ورنى بارعان سايىن نىعايىپ كەلەدى. بۇكىل الەم قازاقستاننىڭ دامۋ جولىنىڭ ارتىقشىلىعىن مويىندادى»، - دەپ اتاپ وتىلگەن حاتتا.
جامبىل وبلىسىنىڭ جوعارى وقۋ ورىندارىنىڭ ستۋدەنتتەرى، قوعامدىق جانە ەتنومادەني بىرلەستىكتەرىنىڭ وكىلدەرى، بۇقارالىق اقپارات قۇرالدارىنىڭ قىزمەتكەرلەرى دە ۇلت جوسپارىن قولداپ حات جازدى. ولار قازاقستاننىڭ بارلىق سىن- قاتەرلەردى ابىرويمەن ەڭسەرىپ قانا قويماي، دامۋدىڭ جاڭا دەڭگەيىنە شىعاتىنىنا سەنىمدى ەكەندەرىن ايتقان.
جامبىلدىق «ماناس اتا» ەتنومادەني بىرلەستىگىنىڭ ءتوراعاسى م. نامازالييەۆا قازاقستان حالقىنىڭ وزىق قۇندىلىقتارىن - جىگەرلىلىكتى، ەڭبەكقورلىقتى جانە ماقساتكەرلىكتى نىعايتۋدىڭ ماڭىزدىلىعىنا نازار اۋدارعان.
«قازاقستاندىق بىرتەكتىلىك ەلدىڭ تاريحي دامۋ ۇدەرىسى بارىسىندا قالىپتاسادى. ورتاق ماقساتتار، مەملەكەتىمىزدى گۇلدەندىرۋگە باعىتتالعان ۇمتىلىس پەن جۇمىس ءبىزدىڭ جەرىمىزدەگى تاتۋلىقتى، ساياسي جانە ەكونوميكالىق تۇراقتىلىقتى قامتاماسىز ەتەتىن نەگىزگى تەتىكتەرگە اينالادى»، - دەلىنگەن حاتتا.
كوپتەگەن حات لەگى قاراعاندى وبلىسىنان كەلدى. ايتالىق، قاراعاندى مەملەكەتتىك مەديتسينا ۋنيۆەرسيتەتىنىڭ ستۋدەنتى ا. تەن ۇلت جوسپارى ىلگەرىشىل جاستار ءۇشىن ايقىن باعدار ەكەنىنە توقتالعان.
«قازاقستاننىڭ جاس ازاماتتارى ءۇشىن ماقتانۋعا لايىقتى، ەلىمىزدە وقۋعا جانە ءومىر سۇرۋگە قاجەتى جاعدايدىڭ ءبارى بار. «100 ناقتى قادام» - مەنىڭ بولاشاققا قۇرعان جوسپارىم ەكەنىن جاقسى بىلەمىن. وسى ءجۇز قادام ءىس جۇزىندە جاستاردىڭ ءجۇز مىڭ قادامىن بىلدىرەدى. بۇل ءبىزدىڭ ورلەۋ جولىمىزدىڭ باستاۋى ءارى مەنىڭ بارلىق قاتارلاستارىممەن بىرگە كوتەرىلگىم كەلەتىن باسپالداق»، - دەپ جازادى اۆتور.
تەمىرتاۋ قالاسىنىڭ ءتۇرلى ەتنوستاردان قۇرالعان تۇرعىندارى، ارداگەرلەرى، زيالى قاۋىمى مەن جاستار وكىلدەرى دە مەملەكەت باسشىسى ۇسىنعان «ۇلت جوسپارىنا» قولداۋ ءبىلدىردى. ولار قازاقستاندىقتاردىڭ ءاربىر قادامدى جۇزەگە اسىرا وتىرىپ، باسەكەگە قابىلەتتى بولا تۇسەتىنىن اتاپ وتكەن. ولاردىڭ پىكىرىنشە، ازاماتتار ەلدىڭ الدىنا قويىلعان بيىك ماقساتتارعا قاراي بىرگە قادام باسۋى ءتيىس، ويتكەنى بىرلىك ءىس- قيمىلدىڭ تابىستى بولۋىنىڭ كەپىلى سانالادى.
ولاردىڭ سوزىنە قاراعاندى، بالقاش، جەزقازعان، ساران جانە پريوزەرسك قالالارىنىڭ جانە وبلىس اۋداندارىنىڭ جۇرتشىلىق وكىلدەرى، سونداي- اق بالقاش مىس قورىتۋ زاۋىتىنىڭ ەڭبەك ۇجىمى دا قوسىلادى.
قىزىلوردا وبلىسىنان كەلىپ تۇسكەن حاتتاردا ۇيىمداردىڭ باسشىلارى مەن ەڭبەككەرلەرى، ءبىلىم جانە عىلىم سالاسىنىڭ وكىلدەرى، وقۋشىلار مەن جاستار، قىزىلوردا قالاسى مەن ءوڭىر اۋداندارىنداعى قوعامدىق بىرلەستىكتەر مۇشەلەرى ۇلت جوسپارىندا بەلگىلەنگەن رەفورمالاردىڭ تابىستى ىسكە اسىرىلۋى ءاربىر قازاقستاندىقتىڭ ناقتى ءىس- ارەكەتىنە بايلانىستى ەكەنىن ايتادى. سونداي- اق اۆتورلار «ماڭگىلىك ەل» يدەياسىنا، ونىڭ جۇزەگە اسىرىلۋىنىڭ قازاقستان حالقىنىڭ بىرلىگى ءۇشىن، ءبىلىمدى جانە پاتريوت جاس بۋىندى تاربيەلەۋ ءۇشىن زور ماڭىزى بار ەكەنىنە ايرىقشا نازار اۋدارعان.
ماڭعىستاۋ وبلىسىنىڭ تۇرعىندارى، قوعامدىق بىرلەستىكتەردىڭ، ەتنومادەني ورتالىقتاردىڭ، زيالى قاۋىمنىڭ وكىلدەرى، ءتۇرلى كاسىپورىنداردىڭ جۇمىسشىلارى، جاستار ەلدەگى دەنساۋلىق ساقتاۋ جانە ءبىلىم بەرۋدى قوسا قامتيتىن ماڭىزدى الەۋمەتتىك سالالاردىڭ جۇيەلى دامۋىنا نازار اۋدارعان. اۆتورلار وسى وڭ وزگەرىستەر جالعاسىن تاباتىنىنا جانە مەملەكەتىمىزدىڭ ىرگەسىن ودان ءارى نىعايتۋعا سەپتىگىن تيگىزەتىنىنە سەنىم بىلدىرگەن.
«الان» وسەتين ەتنومادەني بىرلەستىگىنىڭ ءتوراعاسى ف. بيركلە ءوز حاتىندا ۇلت جوسپارى تۇراقتىلىقتى جانە ازاماتتاردىڭ تەڭ قۇقىقتىلىعىن نىعايتىپ، مەملەكەتتىك باسقارۋدىڭ ءتيىمدى جۇيەسىن قۇراۋعا، ەلدىڭ بەت- بەينەسىنىڭ وزگەرۋىنە سەپتىگىن تيگىزەتىنىن جانە جاڭا ستاندارتتار قالىپتاستىراتىنىن اتاپ كورسەتكەن.
«ءسىز ۇسىنعان رەفورمالارمەن تانىسقاننان كەيىن ەرتەڭگى كۇنگە دەگەن سەنىمدىلىكتەن تۋىندايتىن شۋاقتى سەزىم پايدا بولدى. ويتكەنى، قۋاتتى، ەركىن، وركەندەۋشى مەملەكەتتە تۇرۋ زور باقىت قوي»، - دەلىنگەن حاتتا.
قولداۋ سوزدەرى مەن لەبىزدەرىن پاۆلودار وبلىسىنداعى قازاقستان حالقى اسسامبلەياسىنىڭ مۇشەلەرى، ءبىلىم بەرۋ سالاسىنىڭ قىزمەتكەرلەرى، جوعارى وقۋ ورىندارىنىڭ ستۋدەنتتەرى مەن وقىتۋشىلارى دا جولدادى.
س. تورايعىروۆ اتىنداعى پاۆلودار مەملەكەتتىك ۋنيۆەرسيتەتى «بىرلىك» ستۋدەنتتىك اسسامبلەياسىنىڭ ءتوراعاسى ر. سمايىلوۆ «100 قادام» جوسپارىنىڭ جۇزەگە اسىرىلۋى جوعارى ناتيجەلەرگە قول جەتكىزۋگە مۇمكىندىك تۋدىراتىنىنا سەنىم بىلدىرگەن.
«مەكتەپ وقۋشىلارى مەن ستۋدەنتتەردەن باستاپ زەينەتكەرلەرگە دەيىنگى كوپشىلىك اراسىندا «100 قادام» جوسپارىنا جان- جۇرەگىمەن سەنەتىن مەن سياقتى جاندار وتە كوپ. ولاردىڭ ءبارى ءبىزدىڭ ۇلى وزگەرىستەر جولىمەن ءجۇرىپ كەلە جاتقانىمىزدى، پرەزيدەنتىمىزدىڭ سوڭىنان ۇلى جەڭىستەرگە قاراي قادام باسىپ كەلە جاتقانىمىزدى بىلەدى»، - دەپ جازادى اۆتور.
كوپتەگەن حاتتار مەن جەدەلحاتتار سولتۇستىك قازاقستان وبلىسىنان كەلىپ ءتۇستى. ماسەلەن، پەتروپاۆلوۆسك قالاسىنىڭ تۇرعىنى س. ابدۋللينا «100 ناقتى قادام» باستاماسىنا قولداۋ بىلدىرگەن.
«100 قادام قازاقستان ءۇشىن كۇردەلى سىناقتار كەزەڭىنەن باتىل وتۋگە، «قازاقستان-2050» ستراتەگياسىن جۇزەگە اسىرۋ جولىنان اۋىتقىماۋعا جانە مەملەكەتتىلىكتى نىعايتۋعا مۇمكىندىك بەرەتىن ورنىقتىلىق قورىن قامتاماسىز ەتەدى دەپ سانايمىن»، - دەلىنگەن حاتتا.
سونىمەن قاتار ءوز حاتتارىن م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ، رۋزايەۆ اگرارلىق- تەحنيكالىق كوللەدجىنىڭ، لەنينگراد اۋىل شارۋاشالىعى كوللەدجىنىڭ وقىتۋشىلار مەن وقۋشىلارى، ءبىلىم بەرۋ، دەنساۋلىق ساقتاۋ سالاسىنىڭ قىزمەتكەرلەرى، پەتروپاۆلوۆسك قالاسى مەن وبلىس اۋداندارىنىڭ ەتنومادەني جانە قوعامدىق بىرلەستىكتەرىنىڭ وكىلدەرى دە جولدادى. اۆتورلار قازاقستاننىڭ دامۋىندا جاڭا وزگەرىستەردىڭ بولاشاقتا ماڭىزدى ءرول اتقاراتىنىنا جانە مىندەتتى تۇردە ەلىمىز تابىستارعا جەتەتىنىنە سەنىم بىلدىرگەن.
حات- حاباردىڭ اۋقىمدى بولىگى وڭتۇستىك قازاقستان وبلىسىنان كەلىپ ءتۇستى. سايرام اۋدانىنىڭ تۇرعىنى، قازاقستان رەسپۋبليكاسى اعارتۋ ءىسىنىڭ ۇزدىگى ح. ءابدىقادىروۆا ۇلت جوسپارى دامۋدىڭ ستراتەگيالىق جاڭا مىندەتتەرىن ناقتى ايقىنداپ، مەملەكەتىمىزدىڭ لايىقتى بولاشاعىنا دەگەن سەنىم ۇيالاتاتىنىن ايتادى.
«ءاربىر قادام - پرەزيدەنتتىڭ ناقتى پراكتيكالىق تاپسىرماسى. ءبىزدىڭ ءارقايسىمىز، ءار قازاقستاندىق وسى ماڭىزدى 100 قادامدى ءوز ماماندىعىندا، جۇمىس ورنىندا، قوعامدىق ومىردە، وتباسىندا بۇكىل ەلمەن بىرگە جۇزەگە اسىرىپ، ءوز باسىنان وتكەرۋگە ءتيىسپىز. قازاقستان ءوزىنىڭ كوشباسشىسى قويعان ماقساتتارىنا جەتەدى دەپ سەنەمىن، ويتكەنى بۇعان دەيىنگى بارلىق جوسپارلار ورىندالدى»، - دەلىنگەن حاتتا.
وبلىستىڭ جانە شىمكەنت قالاسىنىڭ ءارتۇرلى ەتنومادەني بىرلەستىكتەرىنىڭ مۇشەلەرى قازاقستاندىق بىرتەكتىلىكتى نىعايتىپ، ءبىرتۇتاس ازاماتتىق قوعام قالىپتاستىرۋعا جاعداي تۋعىزاتىن، سەپتىگىن تيگىزەتىن «ۇلكەن ەل - ۇلكەن وتباسى» جوباسىنا ارنايى توقتالىپ وتكەن.
