ن. نازاربايەۆ: قازاقستان ءونىمى 100 پايىز ەكولوگيالىق تازا ەكەنىنە كەپىل بەرەمىن
بۇل تۋرالى بۇگىن استاناداعى تاۋەلسىزدىك سارايىندا ءوتىپ جاتقان «نۇر وتان» پارتياسىنىڭ كەزەكتى XVI سەزىندە مەملەكەت باسشىسى، پارتيا كوشباسشىسى نۇرسۇلتان نازاربايەۆ ايتتى.
«رەسەي ءرۋبلى دەۆالۆاتسياعا ۇشىراعان ساتتە تەگەۋرىندى باسەكەلەستىككە تاپ بولىپ، ءبىزدىڭ باسەكەلەستىككە قابىلەتتىگىمىز تومەن بولدى. دۇرىس پا؟ مەن ەۋرازيالىق ەكونوميكالىق وداقتىڭ قۇرىلاتىندىعىن، وعان دايىن بولۋ كەرەكتىگىن ايتقان بولاتىنمىن. بارلىق بيزنەسمەندەردى قازىرگى ۋاقىتتا وسى جايتتا ۇلگىگە الا وتىرىپ، تاربيەلەۋ قاجەت»، - دەدى مەملەكەت باسشىسى.
سونىمەن قاتار ەلباسى بارلىق ساۋدا ورىندارىندا «قازاقستاندا جاسالعان» اتاۋىمەن ارنايى ءبولىم اشۋعا تاپسىرما بەرگەنىن ءارى ونىڭ بوس ءسوز، بوس شاقىرۋ ەمەستىگىن باسا ايتىپ ءوتتى.
«بۇل بارشا قازاقستاندىقتار ءۇشىن پاتريوتتىق اكت. بارلىعى وزىمىزدىكى بولعانىن قالاساق، ءوزىمىزدىڭ ءونىمدى تۇتىنۋ قاجەت. ءبىزدىڭ ءونىمنىڭ 100 پايىز ەكولوگيالىق تازا ەكەندىگىنە كەپىل بەرەمىن. ءتىپتى، دسۇ- نىڭ مالىمەتتەرىنە سايكەس، ادام اعزاسىنا بارىنشا پايدالىسى - دۇنيەگە كەلگەن جەردەن ونگەن ءونىم، سول جەردىڭ سۋى»، - دەدى ق ر پرەزيدەنتى.
ەلباسى وتاندىق ءونىمدى تۇتىنۋ كاسىپكەرلەرىمىزدىڭ باسەكەگە قابىلەتتىگىن ارتتىرا تۇسەتىندىگىن ايتا كەلە، بيزنەسمەندەر دە ونىمدەرىنىڭ بالاما تاۋارلاردان ساپاسى كەم بولماۋى تيىستىگىن ەسكەرتتى.
اۆتور: مارلان جيەمباي
