الماتى قالاسىنىڭ اۆتوبۋس پاركى گازبەن جۇرەتىن 100 جاڭا كولىكپەن تولىقتى - فوتو

الماتى. قازاقپارات - الماتىداعى 2№ كوممۋنالدىق اۆتوپاركى گازبەن جۇرەتىن 100 جاڭا اۆتوبۋسپەن تولىقتى. جاڭا قوعامدىق كولىكتەردىڭ تۇساۋىن كەسۋ شاراسىنا قالا اكىمى احمەتجان ەسىموۆ قاتىستى.

«بۇل ەكولوگيالىق تۇرعىدان تازا اۆتوبۋستاردىڭ الماتىعا اكەلىنىپ جاتقان ءۇشىنشى پارتياسى. قازىرگى تاڭدا تروللەيبۋس پەن ترامۆايلاردى قوسقاندا، قالانىڭ اۆتوپاركتەرىندە گازبەن جۇرەتىن 850 قوعامدىق كولىك بار. بۇل ەسەپتەپ كەلگەندە، قالاداعى بارلىق قوعامدىق كولىكتەردىڭ تەڭ 70 پايىزىن قۇرايدى»، - دەدى ا. ەسىموۆ.

ونىڭ ايتۋىنشا، قالادا قوعامدىق كولىكتى پايدالاناتىن ادامداردىڭ سانى ارتىپ كەلەدى. 2014-جىلى 260 ميلليون جولاۋشى تاسىمالدانعان، بۇل 2013-جىلعى كورسەتكىشتەن 12 پايىزعا ارتىق.

ەستەرىڭىزگە سالا كەتەيىك، «الماتى ەلەكترو ترانس» ج ش س 2№ مۋنيتسيپالدى اۆتوبۋس پاركى مەملەكەت باسشىسىنىڭ يدەياسىمەن قۇرىلدى.

كاسىپورىن جانىنان 120 كولىك جۇرگىزۋشىسىنە ارنالعان جاتاقحانا اشىلعان.

اۆتور: گۇلميرا عوسمانالي