05:25, 23 - قىركۇيەك 2014 | GMT +5
الماتىدا 100- ۆەلوتۇراق ورناتىلدى
الماتى. قازاقپارات - بۇگىن الماتىدا «بۇكىلالەمدىك اۆتوكولىكسىز ءبىر كۇن» شاراسى اياسىندا 100- ۆەلوتۇراق ورناتىلدى. بۇل تۋرالى «قازاقپارات» تىلشىسىنە قازاقستان ۆەلوقوعامداستىعىنىڭ جەتەكشىسى دۋمان قاپاسوۆ مالىمدەدى.
«ۆەلوتۇراق ت. رىسقۇلبەكوۆ كوشەسى بويىنداعى الماتى ترانسپورت حولدينگى عيماراتىنىڭ الدىنا ورناتىلدى. قازىر قالانىڭ ەكولوگياسى مەن كولىك كەپتەلىسى - وزەكتى ماسەلەلەردىڭ ءبىرى. سوندىقتىن، ولاردى شەشۋ جولىندا ءبىز الماتىدا ۆەلوقوزعالىستاردى دامىتىپ جاتىرمىز» - دەدى ول.
ۆەلوتۇراقتاردى ورناتۋدى شاراسىن قازاقستان ۆەلوقوعامداستىعى ۇيىمداستىرعان.
بۇگىن اۆتوكولىك جۇرگىزۋشىلەرىنە ءبىر كۇن قوعامدىق كولىكپەن، ۆەلوسيپەدپەن جانە جاياۋ ءجۇرۋ ۇسىنىلادى. سونىمەن قاتار، قالانىڭ قوعامدىق كولىكتەرىندە بۇگىن جول اقىسى 50 پايىزعا تومەندەدى.
اۆتور: جاپپاربەرگەن ايبوتا
