13:08, 15 - شىلدە 2014 | GMT +5
ك ح د ر زەڭبىرەكتەرى جاپون تەڭىزىنە قاراي 100 گە جۋىق سنارياد جاۋدىردى
استانا. قازاقپارات - دۇيسەنبى كۇنى ك ح د ر جاپون تەڭىزىنە قاراي زەڭبىرەكتەن 100 گە جۋىق سنارياد جاۋدىردى، دەپ حابارلادى رەنحاپ اگەنتتىگى.
سناريادتار جەرگىلىكتى ۋاقىتپەن ساعات 53:11 تە كورەيا جارتى ارالىن 38 -پاراللەل بويىنشا سولتۇستىك (ك ح د ر) جانە وڭتۇستىككە (كورەيا رەسپۋبليكاسى) ءبولىپ تۇرعان دەميليتارلىق ايماقتان جىبەرىلگەن.
كەشە ك ح د ر جاپون تەڭىزى جاققا تاعى ەكى بالليستيكالىق زىمىران جىبەردى. ال ماۋسىمنىڭ سوڭىندا بالليستيكالىق زىمىرانمەن اتقىلاعان بولاتىن. بۇدان كەيىن دە ك ح د ر جاپون تەڭىزى جاعىنا بىرنەشە زىمىران جىبەردى.
ك ح د ر 2005 - جىلى ءوزىن يادرولىق دەرجاۆا دەپ جاريالاعان. 2006, 2009 جانە 2013- جىلداردا جەر استىنداعى يادرولىق سىنامالار جۇرگىزگەن. بۇل وقيعا حالىقارالىق قاۋىمداستىق اراسىندا نارازىلىق تۋدىردى. پحەنياننىڭ ءىس-ارەكەتتەرىنە جاۋاپ رەتىندە ب ۇ ۇ قاۋىپسىزدىك كەڭەسى ك ح د ر يادرولىق سالاداعى ارەكەتتەرىن دوعارۋدى تالاپ ەتكەن ءبىرقاتار قارار قابىلدادى.
