استانا توڭىرەگىنە 100 جەل گەنەراتورى ورناتىلادى
بۇل جايىندا بۇگىن ەلباسى نۇرسۇلتان نازاربايەۆقا «ورتا ازيالىق وتىن ەنەرگەتيكا كومپانياسى» ا ق ديرەكتورلار كەڭەسىنىڭ ءتوراعاسى الەكساندر كلەبانوۆ ءمالىم ەتتى.
«ءبىز قالا ماڭىندا جالپى قۋاتى 100 مەگاۆاتتى قۇرايتىن شامامەن 100 جەل گەنەراتورىن ورناتقىمىز كەلەدى. بۇل دا ەلوردا كەلبەتىنە ءوز ۇلەسىن قوسار ەدى. ۇشاقپەن كەلگەن جولاۋشىلار بۇل جەل گەنەراتورلارىن كورەدى» ، - دەدى ول مەملەكەت باسشىسىنا ەكسپو قالاشىعىنىڭ قۇرىلىسىمەن تانىستىرۋ بارىسىندا.
ونىڭ اتاپ وتۋىنشە، قالاشىقتا ەنەرگيانى زەرتتەۋ ورتالىعى قۇرىلاتىن بولادى. ول ادامنىڭ تىرشىلىگىن قامتاماسىز ەتەتىن ەكولوگيالىق تۇرعىدا تازا ءۇش زاۋىتتىڭ باسىن بىرىكتىرەدى. اۋماعى 25 گەكتاردى قۇرايتىن عيماراتتاردىڭ ءبىرىنىڭ كۇمبەزى استىندا قاتتى قالدىقتاردى، جاۋىن جانە كارىز سۋلارىن، كۇن باتارەياسىنان ەلەكتر ەنەرگياسىن جينايتىن زاۋىت ورنالاسادى. قالدىقتار جيناۋ جۇيەسى 174 گەكتار اۋماقتى قامتيدى. كورمە پاۆيلوندارى مەن تۇرعىن ءۇي ورامدارى جانىندا قالدىق جينايتىن شامامەن 240 قازاندىق ورنالاستىرىلادى.
ال جاۋىن جانە كارىز سۋلارىن جينايتىن جۇيە تاۋلىگىنە شامامەن 750 تەكشە مەتردى سۋدى جيناقتايدى. بۇل سۋ تازالانىپ، تەحنيكالىق سۋ رەتىندە كادەگە جاراتىلادى.
