ۇكىمەت ازىق-تۇلىك ونەركاسىبىن دامىتۋعا 100 ميلليارد تەڭگە بولەدى
بۇل تۋرالى بۇگىن ق ر پارلامەنتى پالاتالارىنىڭ بىرلەسكەن وتىرىسىندا ق ر پرەمەر-ءمينيسترى كارىم ءماسىموۆ ءمالىم ەتتى.
«ۇلتتىق قوردان ءبولىنىپ، «بايتەرەك» قورى ارقىلى وتكەن العاشقى 100 ميلليارد تەڭگە قازىرگى ۋاقىتتا ەكىنشى دەڭگەيلى بانكتەر ارقىلى ناقتى ىسكە اسىرىلۋدا.
بۇل كەزەڭدە ءبىز ازىق-تۇلىك وڭدەۋ ونەركاسىبىن دامىتۋعا باسا نازار اۋداردىق»، - دەدى ۇكىمەت باسشىسى.
ونىڭ العا تارتقان دەرەكتەرىنە قاراعاندا، جىل سايىن قازاقستان شامامەن 3 ميلليارد دوللاردىڭ ازىق-تۇلىك ونىمدەرىن سىرتتان تاسىمالداپ وتىر.
«ياعني، ءبىز ىشكى نارىقتىڭ وزىنەن قاراپايىم بولعانىمەن بىزدەر ءۇشىن ەكونوميكانىڭ ماڭىزدى سەكتورى بولاتىن سالانى بايقاپ وتىرمىز. ءبىز ونى دامىتا الار ەدىك»، - دەدى ك. ءماسىموۆ.
پرەمەر-مينيستر ءوز سوزىندە رەسپۋبليكا ەكونوميكاسىنا ەكونوميكالىق قولداۋ كورسەتۋ ءۇشىن مەملەكەت باسشىسى تەڭدەسسىز شارا قابىلداپ، ۇلتتىق قوردان 1 تريلليون تەڭگە بولۋگە تاپسىرما بەرگەنىن اتاپ ءوتتى.
«بۇل قارجى ءبىرىنشى كەزەكتە وڭدەۋ ونەركاسىبىن قولداۋعا، ونى دامىتۋعا جانە وسى سالاعا شەتەل ينۆەستيتسياسىن تارتۋعا باعىتتالاتىن بولادى»، - دەدى ك. ءماسىموۆ.
اۆتور: مارلان جيەمباي
