15:14, 17 - قىركۇيەك 2018 | GMT +5
الماتىدا 1000 ءۇي سۇرىلمەك
الماتى. قازاقپارات - الماتىدا قازاق ۇلتتىق زەرتتەۋ جوبالاۋ ينستيتۋتىنىڭ ماماندارى قالا بيلىگىنە مىڭداعان ءۇي ءسۇرۋدى تالاپ ەتەتىنىن جەتكىزدى، دەپ حابارلايدى قازاقپارات ءتىلشىسى.
«بۇگىنگى تاڭدا ءسۇرۋدى تالاپ ەتەتىن ۇيلەردىڭ سانى 1000 عا جۋىق. ولاردى بۇزۋ بويىنشا جۇمىستار جاسالىپ جاتىر. ماسەلەن جاندوسوۆ كوشەسىنىڭ التىنسارين مەن بەرەگوۆوي كوشەلەرىنىڭ اراسىنداعى قوسقاباتتى كاركاس پەن قامىستان جاسالعان ۇيلەر مەن كىرپىشتەن تۇرعىزىلعان باكەنە ۇيلەر ءسۇرىلىپ، ولاردىڭ ورنىنا 9-12 قاباتتى ۇيلەر تۇرعىزىلدى» ، - دەدى قۇزجي باسقارۋشى ديرەكتورى ەرالى شوقباروۆ.
ونىڭ ايتۋىنشا، مۇنداي نۇسقاۋلىقتار الماتىنىڭ بارلىق اۋداندارى بويىنشا بەرىلگەن.
«وتكەن عاسىردىڭ 30-40 -جىلدارى ارالىعىندا سالىنعان ۇيلەر كاركاس پەن قامىستان، اعاشتان تۇرعىزىلعان. ولاردىڭ كوپشىلىگى ەكسپلۋاتاتسيالىق مەرزىمىنەن ءوتىپ كەتكەن. بۇل ۇيلەر قازىرگى سەيسموتۇراقتى قۇرىلىس تالاپتارىنا ساي كەلمەيدى» ، - دەدى ول.
