سەمەيدە مەديتسينا ۋنيۆەرسيتەتىنىڭ ستۋدەنتتەرىنە 1000 ورىندىق جاتاقحانا سالىنادى
بۇگىن ش ق و اكتيۆى ەلباسىنىڭ «بەس الەۋمەتتىك باستاماسىن» تالقىلادى. جيىندا وبلىستىق ءبىلىم بەرۋ باسقارماسى باستىعىنىڭ ورىنباسارى ايگۇل بايجانوۆا بىلتىر وبلىس بويىنشا 2411 گرانت بولىنگەنىن جەتكىزدى. ال وبلىس اكىمدىگى ءوز قاراجاتى ەسەبىنەن بيىل ەكىنشى جىل قاتارىنان سۇرانىسقا يە مامانداردى دايىنداۋ ءۇشىن گرانت ءبولدى.
«بيىلعى جىلى الدىن- الا ەسەپ بويىنشا تەحنيكالىق مامانداردى دايارلاۋعا، ونىڭ ىشىندە IТ ماماندارىنا 200 ورىن بولىنەتىن بولادى. سونداي- اق پەداگوگيكالىق كادرلاردى وقىتۋ ءۇشىن بيۋدجەتتىك ورىندار قۇرىلادى. ونىڭ ىشىندە اعىلشىن ءتىلىن بىلەتىن جاراتىلىستانۋ تسيكلىنىڭ مۇعالىمدەرىنە. بۇل اگروونەركاسىپتىك كەشەن مەن مەديتسينا قىزمەتكەرلەرىنە دە قاتىستى»، - دەدى ا. بايجانوۆا.
سونىمەن قاتار ەلباسى ءوز ۇندەۋىندە ستۋدەنتتەردىڭ ءومىر ءسۇرۋ جاعدايىن جاقسارتۋدى تاپسىردى. بۇگىندە سەمەي قالاسىنداعى مەديتسينا مەملەكەتتىك ۋنيۆەرسيتەتىنىڭ 1000 ورىندىق جاتاقحاناسىنىڭ قۇرىلىسى باستالدى جانە اعىمداعى جىلدىڭ قىركۇيەك ايىندا «قازاقستان- امەريكاندىق» ەركىن ۋنيۆەرسيتەتى (كاسۋ) وسكەمەندە 160 ورىندىق جاتاقحانا سالۋدى جوسپارلاپ وتىر.
ايگۇل بايجانوۆا سونداي- اق تەحنيكالىق جانە كاسىپتىك ءبىلىم بەرۋ سالاسىندا وقىپ جاتقان 1000 ستۋدەنتكە دە بولمەلەر كەرەك ەكەنىن اتاپ ءوتتى.
«بۇل ماسەلەنى شەشۋ جاستاردىڭ قارجىلىق جاعدايىن جاقسارتىپ قانا قويماي، ايماقتاعى جوعارى وقۋ ورىندارىنىڭ باسەكەگە قابىلەتتىلىگىن ارتتىرادى»، دەدى ءوز سوزىندە.
اۆتور: شىنار عالىمبەك قىزى
