ەكسپو كورمەسىنە قىتايدىڭ 1000 نان استام كاسىپورىندارى قاتىسادى
بۇل تۋرالى حالىقارالىق ساۋدا- ساتتىققا جاردەمدەسۋ جونىندەگى قىتاي كوميتەتىنىڭ (ح س ج ك) ءتوراعاسى جياڭ جەنۆەيدىڭ اسپان استى ەلىنىڭ «جەنمين جيباو» گازەتىندە جاريالانعان ماقالاسىندا ايتىلعان، دەپ حابارلايدى «قازاقپارات» ح ا ا- ءنىڭ قىتايداعى مەنشىكتى ءتىلشىسى.
«2017 -جىلعى 10 - ماۋسىم مەن 10 - قىركۇيەك ارالىعىندا استانادا (قازاقستان) حالىقارالىق كورمە وتەدى. سوڭعى جىلدارى قازاق- قىتاي قارىم- قاتىناستارى جوعارى دەڭگەيگە كوتەرىلدى. «جىبەك جولىنىڭ ەكونوميكالىق بەلدەۋى» مەن قازاقستاننىڭ جاڭا ەكونوميكالىق ساياساتى «نۇرلى جول» اراسىندا ءتيىمدى ينتەگراتسيالىق پروتسەستەر جولعا قويىلدى. «ءبىر بەلدەۋ، ءبىر جول» باعىتىندا جاڭا قارىم- قاتىناستاردى ىنتالاندىرۋ قولعا الىنۋدا»، - دەپ جازادى جياڭ جەنۆەي.
ول قىتاي ۇكىمەتىنىڭ قازاقستاننىڭ ەكسپو كورمەسىن ۇيىمداستىرۋ باستاماسىن قولداپ، ول كورمەگە قاتىسۋعا ەرەكشە ءمان بەرىپ وتىرعاندىعىن ايتتى.
جياڭ جەنۆەي ءوزىنىڭ ماقالاسىندا قازاقستاندا وتەتىن كورمەنىڭ ماڭىزدىلىعىن مىناداي نەگىزدەمەلەرمەن ولشەيتىندىگىن جەتكىزەدى.
«بىرىنشىدەن، قىتاي ءوزىنىڭ ەكولوگيا سالاسىنداعى تۇجىرىمىن تولىق اشادى. ەكىنشىدەن، يننوۆاتسيانى دامۋداعى قىتايلىقتاردىڭ جەتىستىكتەرىن الەمگە پاش ەتەدى. ۇشىنشىدەن، ەنەرگيا رەسۋرستارى جانە حالىقارالىق ءوندىرىس باعىتتارىنداعى ىنتىماقتاستىققا سەرپىن بەرەدى... قىتاي پاۆيلونى قىتاي مەن قازاقستاننىڭ ەنەرگەتيكالىق ىنتىماقتاستىعى فورۋمىن ۇيىمداستىرادى. وعان بەيجىڭ، شاڭحاي، شاندۇڭ جانە باسقا 23 پروۆينتسياسىنان مىڭعا جۋىق كاسىپورىن كەلەدى»، - دەدى جياڭ جەنۆەي.
«باس- اياعى 93 كۇنگە سوزىلاتىن استانا كورمەسىندە قىتاي الەم ەلدەرىمەن بىرلەسە وتىرىپ، بولاشاق ەنەرگياسىنىڭ كۇردەلى ماسەلەلەرىن جانە دامۋ بولاشاعىن، ەنەرگەتيكالىق قاۋىپسىزدىكتىڭ تۇيتكىلدەرىن تالقىلاپ، ادامزات وركەنيەتىن ىلگەرى جىلجىتۋدىڭ تىڭ جولدارىن اشۋعا ۇلەسىن قوسادى»، - دەپ تۇيىندەيدى كوميتەت ءتوراعاسى ماقالاسىندا.
اۆتور: گۇلسايا جاقان
