15:17, 25 - ناۋرىز 2017 | GMT +5
فۋتبول: قاقپاشى 1000 ويىن وتكىزىپ، رەكورد جاسادى
استانا. قازاقپارات - فۋتبولدان «يۋۆەنتۋس» جانە يتاليا قۇراماسىنىڭ قاقپاشىسى دجانلۋيدجي بۋففون ءوزىنىڭ سپورتتىق جولىندا 1000 ويىن وتكىزىپ، ەۋروپا ەلدەرى كوماندالارىنىڭ اراسىندا رەكورد ورناتتى.
بۋففوننىڭ مىڭىنشى ماتچى 2018-جىلى وتەتىن الەم چەمپيوناتىنىڭ ىرىكتەۋ جارىسىنداعى البانيا قۇراماسىنا قارسى ويىن بولدى.
اتاپ ايتار بولساق، ول «يۋۆەنتۋس» ءۇشىن 612 كەزدەسۋگە قاتىستى. سونداي-اق «پارما» قۇرامىندا 220 جانە يتاليا قۇراماسى ساپىندا 168 رەت جاسىل الاڭعا شىقتى. سونىمەن قاتار يتالياندىق قاقپاشى يسپاندىق يكەرا كاسيلياسانىڭ ەۋروپا كوماندالارىنىڭ اراسىنداعى ماتشقا قاتىسۋدان جاساعان رەكوردىنان دا اسىپ ءتۇستى. بۇرىنىراق «بارسەلونا» شابۋىلشىسى ليونەل مەسسي يسپانيا چەمپيوناتى كەزىندە ناتيجەلىلىگى جاعىنان بىرەگەي رەكوردقا قول جەتكىزگەن بولاتىن.
